කන්දකාඩු මත්ද්රව්යය පුනරුත්ථාපන මධ්යස්ථානයෙන් තවත් කොරෝනා වෛරසය ආසාදනය වූ රෝගීන් 196 දෙනෙකු හඳුනා ගෙන ඇති බව සෞඛ්ය අමාත්යාංශය පවසයි.
ඊයේ දිනයේදී හඳුනා ගත් රෝගීන් 56 දෙනා සමග මේ වන විට එම ස්ථානයෙන් හඳුනා ගෙන ඇති මුළු රෝගීන් සංඛ්යාව 252කි.
අදාළ පීසීආර් පරීක්ෂණ මේ වන විටත් සිදුකෙරෙමින් පවතින අතර, ඒ අනුව මත්ද්රව්යයන්ට ඇබ්බැහිවූවන් පුනරුත්ථාපනය කිරීමේ කන්දකාඩු මධ්යස්ථානයේ තවදුරටත් ආසාදිතයින් වාර්තා වීමේ ප්රවණතාවයක් පෙන්නුම් කරන බව සෞඛ්ය සේවා අධයක්ෂ ජනරාල් විශේෂ වෛද්ය අනිල් ජාසිංහ මහතා සඳහන් කරයි.
එසේම අදාළ කාලය තුළ, මත්ද්රව්යයන්ට ඇබ්බැහිවුවන් පුනරුත්ථාපනය කිරීමේ කන්දකාඩු මධ්යස්ථානයෙන්, පුනරුත්ථාපනය අවසන් කර පිටතට යවන ලද රැඳවියන් සහ ආශ්රිතයන් ද හඳුනාගනිමින් පීසීආර් පරීක්ෂණ සහ නිරෝධායන කටයුතු අඛණ්ඩව ක්රියාත්මක කර ඇති අතර, ඒ අනුව මෙම ස්ථානයෙන් සමාජය තුළට කොවිඩ් 19 පැතිර යාම වැළැක්වීමට සියලු පියවර ගනිමින් පවතින බව ද රජයේ ප්රවෘත්ති දෙපාර්තමේන්තුව පවසයි.
