අධිකරණ සේවා කොමිසම වෙත ලැබී ඇති පැමිණිලිවලට අනුව මහේස්ත්රාත්වරුන් සහ දිසා විනිසුරුවන් 30 දෙනකු සම්බන්ධයෙන් එම කොමිසම විනය පරීක්ෂණ ආරම්භ කාට ඇති බව සතිඅන්ත ඉංග්රීසි පුවත්පතත් අනාවරණ කොට ඇත.Sri Lanka Latest News
පසුගිය දින දහයක කාලය තුළ, විවිධ චෝදනාවන්ට ලක් වූ විනිසුරුවරුන් හය දෙනෙකුගේ වැඩ තහනම් කිරීමට අධිකරණ සේවා කොමිෂන් සභාව පියවර ගෙන ඇත.
වැඩ තහනමට ලක් වූවන් අතර, මොරටුව මහේස්ත්රාත් තිළිණ ගමගේ මහතා, මහියංගණය අතිරේක දිසා විනිසුරු රංගනී ගමගේ මහත්මිය, මඩකලපුව හිටපු මහේස්ත්රාත්වරයෙකු සහ පරිවාස කාලය අවසන් නොවූ නවක විනිසුරුවරුන් තිදෙනෙකු ද වෙති.
විනිසුරුවරුන්ගේ නිල නිවාස ඇතුළු ඔවුන්ගේ වෘත්තීය ගරුත්වය පවත්වාගෙන යාම සම්බන්ධයෙන් අධිකරණ සේවා කොමිෂන් සභාවේ දැඩි අවධානය යොමු වී ඇත. මේ පිළිබඳව විශේෂ උපදෙස් මාලාවක් නිකුත් කිරීමට ද කොමිෂන් සභාව සූදානම් වේ.
අධිකරණ සේවා කොමිෂන් සභාවේ විශ්වසනීය ආරංචි මාර්ග වලට අනුව, අධිකරණ සේවය තුළ පුළුල් ප්රතිසංස්කරණ මාලාවක් ක්රියාත්මක කිරීමට නියමිතය. මෙම ප්රතිසංස්කරණ අධිකරණ පද්ධතියේ කාර්යක්ෂමතාවය සහ විනිවිදභාවය ඉහළ නැංවීම අරමුණු කර ගනී.
