ඇමෙරිකා ජනාධිපතිවරයා විසින් ශ්රී ලංකාව ඇතුළු රටවල් ගණනාවකට පැනවූ තීරුබද්ද හේතුවෙන් මෙරට සමස්ත අපනයනවලට බලපෑමක් එල්ල විය හැකි බව ආර්ථික විශ්ලේෂක ධනනාත් ප්රනාන්දු මහතා පවසනවා. Sri Lanka Latest News
‘බැලූ බැල්මට ලෝකයේ අනෙක් රටවලට වඩා 14%ක වගේ ප්රමාණයක් අඩුවීමේ ප්රතිශතය ගත්තොත් එහෙම කිසියම් වැඩි අගයක් තියෙනවා. අන්තර්ජාතික මූල්ය අරමුදල ප්රොජෙක්ට් කරලා තියෙන ආකාරයට අපේ අපනයනවලට දළ දේශීය නිෂ්පාදිතයට සාපේක්ෂව 3%ක බලපෑමක් එන්න පුළුවන්. දැනට බංග්ලාදේශයට 35%ක ප්රතිශතයක් ලැබිලා තියෙනවා. එය ලංකාවට වඩා තරමක් වැඩි අගයක්. ඒ නිසා එතැනදි ලංකාවට යම්කිසි වාසියක් තියෙනවා තරගකාරීත්වය සම්බන්ධයෙන් ගත්තට පස්සේ අපේ තරගකාරී රටවල් එක්ක.
වියට්නාමයට 20%ක් කියලා තමයි ප්රකාශයට පත්වෙන්නේ. එතකොට අපිට අභියෝගයක් එනවා වියට්නාමයත් සමග තරග කරන්න. ඉන්දියාවේ තීරුබදු ප්රතිශතය 25%ක් බවට සඳහන් වෙනවා. එතකොට අපිට තරග කරන්න වෙනවා ඉන්දියාවත් සමග.
මුළු ලෝකයේම තීරුබදු ප්රතිශතය වැඩි වුණාට පස්සේ, ඇමෙරිකා එක්සත් ජනපදයේ පරිභෝජන හැකියාව, නැත්නම් ඔවුන් භාණ්ඩ පරිභෝජනය කරන එක අඩු වෙනවා. ඔවුන් භාණ්ඩ පරිභෝජනය අඩු කළාට පස්සේ සමස්තයක් විදිහට ඇමෙරිකානු වෙළෙඳපළට ඇතුළත් වෙන භාණ්ඩ ප්රමාණයට බලපෑමක් වෙනවා. එමගින් ලංකාවේ සමස්ත අපනයනවලට බලපෑමක් ඇති වෙන්න පුළුවන්.
අපිට දැන් මේ අවස්ථාවේදී කරන්න පුළුවන් ප්රධානම දේ තමයි, අගෝස්තු 01 වැනිදා ඉඳන් තමයි මේක ක්රියාත්මක වෙන්නේ. අපිට නැවත වරක් අවශ්ය නම් උත්සාහයක් දරන්න පුළුවන් තවත් යම්කිසි ප්රමාණයක් තීරුබදු අඩු කරගන්න පුළුවන්ද කියලා. ට්රම්ප් ජනාධිපතිතුමාගේ ලිපියෙත් සඳහන් වෙලා තියෙනවා තව පොඩ්ඩක් අවශ්ය නම් උත්සාහ කරලා බලන්න පුළුවන්. මේක අඩුම ගානේ වියට්නාමයේ මට්ටමටවත් ගෙන්න ගන්න පුළුවන්ද කියලා 20%කට ආසන්න ප්රමාණයකට.
ඒ වගේම මේ අවස්ථාවේදී අපිට බලන්න වෙයි ඩිජිටල් සේවා සඳහා අයකරන වැට් බද්ද සම්බන්ධයෙන්. එහි කාල රාමුව පිළිබඳ සමහර වෙලාවට නැවත ලංකාව සලකා බලනවා විය හැකියි. මොකද බොහෝ ඩිජිටල් සේවාවන් ඇමෙරිකා එක්සත් ජනපදය මත පදනම් වෙච්ච ඒවා තමයි තියෙන්නේ. මයික්රොසොෆ්ට් සමාගම වැනි සමාගම්. එතකොට දැන් මේ උණුසුමේ තවත් බද්දක් අයවන බව සැලවීමත් සමග මේ තත්ත්වය සංකීර්ණ වීම වැළැක්වීම සඳහා අපිට එහි කාලරාමුව පිළිබඳ යම්කිසි ප්රමාණයකට නැවත සලකලා බලන්න වෙයි.’
ඇඩ්වොකාටා AdvocataPlus
