අල්ලස සහ දූෂණය මුළුමනින්ම පිටුදැකීමට නම් ජනතාව තුළ ඒ පිළිබඳ ආකල්පමය වෙනසක් ඇතිකළ යුතු බව අල්ලස් හෝ දූෂණ චෝදනා විමර්ශන කොමිෂන් සභාවේ අධ්යක්ෂ ජනරාල් රංග දිසානායක මහතා පවසනවා. පසුගියදා පැවැති උත්සවයකදී අදහස් දක්වමින් ඒ මහතා සඳහන් කළේ දඬුවම් කිරීම තුළින් පමණක් අල්ලස දූෂණය තුරන් කළ හැකි යැයි ලොව කිසිදු රටක් විශ්වාස නොකරන බවයි. එහිදී දිසානායක මහතා පළ කළේ මෙවැනි අදහසකි. Sri Lanka Latest News
‘දැන් කවුරු හරි අල්ලස් ගත්ත නම්, කවුරු හරි දූෂණ කරලා රජයට පාඩු කළා නම්, වෙන රටවල මිනිස්සු ඇවිල්ලා මෙහේ කළේ නැහැනේ නේද? මේ රටේ මිනිස්සුම තමයි කළේ. මේ සියලු දෙනා අල්ලලා, නඩු පවරලා, දඬුවම් දෙන්න ගියොත් එහෙම, සෑහෙන පිරිසක් අල්ලන්න සිද්ධ වෙනවා. ලෝකේ කිසිම රටක් විශ්වාස කරන්නේ නැහැ, වැරදි කරන මිනිස්සු අල්ලලා, දඬුවම් දීලා මේක හදන්න පුළුවන් කියලා. ආකල්පමය වෙනසක් පැහැදිලිවම වෙන්නට ඕනේ.
මෑතදී අපි මෝටර් රථ ප්රවාහන දෙපාර්තමේන්තුවේ ඇතුළට ගිහිල්ලා නියෝජ්ය කොමසාරිස්වරයෙක් ගාව තිබිච්ච ලක්ෂ 41ක් ගත්තා. මේක හරිම සුවිශේෂ තත්ත්වයක්. අපිට ඊට කලින් තොරතුරු ලැබිලා තිබුණා. ඒ මෝටර් රථ ප්රවාහන දෙපාර්තමේන්තුවේ සල්ලි ගන්න අය ඒක නිකන් පූල් එකකට වගේ එකකට දානවා. ඔය ලක්ෂ 41 සතියෙ කලෙක්ෂන් එක. ඊට පස්සේ ඕකේ ඉන්න සියලු නිලධාරීන් අතර ඕක බෙදා ගන්නවා. අපි ගාව ඒවට සාක්ෂි තියෙනවා. එහෙම බෙදාගත්තයි කියලා කියන්නේ. එතකොට ඔබට මම මේක කියන්නේ අල්ලස හා දූෂණය ලංකාවේ තියෙන තැන ගැන කියන්න.
සමහර ආයතන තියෙනවා ඔය රාජ්ය ආයතනවලට ගියාම ඒගොල්ලෝ ඒ දෙන්න ඕනෙ මුදල් වෙන් කරලම තියෙන්නේ. ඒගොල්ලෝ හිතන් ඉන්නවා ඒවා දෙන්න ඕනේ කියලා. මේ අල්ලසක් නේද කියලා ඇහුවාම එහෙම තේරෙන්නෙත් නැති ගානට ඇවිල්ලා දැන්. එච්චරටම සාමාන්යකරණය වෙලා.
මෑතදී ඉඳන් සමහර රජයේ නිලධාරීන් හිරේ යන මට්ටමට ඇවිල්ලා තියෙනවා. පහුගිය කාලවල ඒ රජයන් විසින් ගත්ත ප්රතිපත්තිමය තීරණ කියලා කියන්න පුළුවන්. ඒ කියන්නේ කැබිනට් ඩිසිෂන්ස්. රාජ්ය සේවකයෝ හිතන් ඉන්නවා නම් අමාත්ය මණ්ඩලය තීරණ ගත්තාම ඕනෙ එකක් කරන්න පුළුවන් කියලා, හැබැයි ඒ අමාත්ය මණ්ඩල තීරණය අරගෙනත් තියෙන්නෙත් කරප්ට් ඉන්ටෙන්ෂන් එකෙන් නම්, ඒක නීත්යානුකූල වෙන්නේ නැහැ. ඒක අපිට දැන් පෙනෙමින් තියෙනවා.
ඔබ දන්නවා බෙහෙත් සම්බන්ධයෙන් නඩුවක් තියෙනවා හිටපු අමාත්යවරයාට විරුද්ධව. ඒ ඔක්කොටම කැබිනට් පේපර්ස් තියෙනවා. ඔබ දන්නවා පොහොර සම්බන්ධයෙන් නඩුවක් තියෙනවා. කාබනික පෝර ගෙනල්ලා ඩොලර් මිලියන 6.9ක් ලංකාවට පාඩු වෙනවා. කැබිනට් පේපර්ස් තියෙනවා. දැන් මේක ඇතුළේ රජයේ සේවකයන් අතර යම් නොසන්සුන්කාරී තත්ත්වයක් ඇතිවෙන්න පුළුවන් අපි කොහොමද තීරණ ගන්නේ? අපිව අල්ලස් එකෙන් අල්ලන් යනවද කියලා. ඔබට මට ඒකට දෙන්න තියෙන්නේ ඉතාම සරල උත්තරයක්. ඔබ සද්භාවයෙන් කරන කිසිම දෙයක් සම්බන්ධයෙන් මේක අදාළ වෙන්නේ නැහැ. ඒ විතරක් නෙවෙයි. අපි වෙනස් කරගත යුතු යම් ලක්ෂණයක් තියෙනවා රජයේ සේවකයින්ට. ඒ තමයි දේශපාලනඥයෝ කියන ඒවා කරන්නේ නැති රජයේ සේවයක් හදාගන්න. එහෙම වුණෙත් නෑ. එහෙම වෙයිද කියන්නත් අපි දන්නේ නෑ. කවුරු හරි කිව්වොත්, මට ඇමැතිතුමා කිව්වා, ඒක නිසයි මම මේක කළේ කියලා. ඔහු මේ වරදට වගකීම දැරිය යුතු නැහැ. මොකද ගොඩක් ඒවා කියලා තියෙන්නේ වාචිකව. මොකද, ඒගොල්ලෝ රජයේ සේවකයන්ට වඩා හරිම ස්මාර්ට්. හැබැයි සමහර රජයේ සේවකයෝ ඉන්නවා, මට සමහර කරුණු කියන්න බෑ, ඒවට යම් පියවරක් අරගෙන තිබිච්ච, අඩුම ගානේ තමන්ගේ ලොග් පොතේ හරි මට මෙයා මෙහෙම කිව්වා කියලා ලියලා තිබිච්ච. මම දන්නවා මේක වැරදියි කියලා. හැබැයි මට මේක කරන්න සිද්ධ වෙනවා මේකෙන්.
ඒ හින්දා මට දෙන්න තියෙන පණිවුඩය, එහෙම මිනිස්සු අපි අත්අඩංගුවට අරන් නෑ. ශ්රී ලංකාවේ රජයේ සේවකයන්ට යම් පණිවුඩයක් දිය යුතුව තිබෙනවා. මොකද සමහරු දැන් වැඩ නොකර ඉන්නත් මේක පාවිච්චි කරන්න පුළුවන්. ‘නෑ නෑ අපි මේවා කළාම අල්ලස් එකෙන් අල්ලන් යනවා, අපිට මේ තීරණ ගන්න බෑ, ඊට හොඳයි අපි මේවා නොගෙන හිටියාම’ කියලා. එහෙම එකක් නෑ. මම ඒකයි නැවත නැවතත් කියන්නේ. අපිට පැහැදිලිව පේනවා ඇයි ඔහු එහෙම කළේ, ඇයි එහෙම කරන්න තිබිච්ච හේතුව කියලා.
