ඊශ්රායල් ඉරාන යුද්ධය කේන්ද්ර කර ගෙන බරපතල ගැටලුවක් ඇතිව තිබෙන බවත් අප රටේ 10000ත් 20000ත් අතර ප්රමාණයක් ඊශ්රයාල් රටේ රැකියා කරන බවත් මොවුන්ගේ ජීවිත ආරක්ෂාව ගැන ගැටලුවක් ද ඇති බවත් අප රටේ තේ අපනයන ගමනාන්තයක් ලෙස ප්රධානතම තැනක් ඉරානය ගන්නා බවත් මේ යුදමය තත්ත්වය තුළ තේ කර්මාන්තයට අපනයනවලට මුහුණ දෙන්න ඇති බරපතල තත්ත්වය ගැන සාකච්ඡා කළ යුතු බවත් මේ යුද්දය නිසා තෙල් මිලට ද විශාල බලපෑමක් විය හැකි බවත් එය ආර්ථික වර්ධනයට නිෂ්පාදන ධාරිතාවට කර්මාන්ත පද්ධතිය ඇතුළු සමස්ත ජන පරපුරට විශාල අගතිගාමී තත්ත්වයක් ඇතිවිය හැකි නිසා විධිමත් සාකච්ඡාවක් සදහා ප්රවේශ විය යුතු බවත් විපක්ෂ නායක සජිත් ප්රේමදාස මහතා අද පාර්ලිමේන්තුවේ දී පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ ස්ථාවර නියෝග 19 (2) ඈ යටතේ පැවරී ඇති බලපත ප්රකාරව පාර්ලිමේන්තුවේ දී ඊශ්රායාල් ඉරාන යුද්ධයෙන් අප රටට සිදුවන බලපෑම ගැන විවාදයක් ඉල්ලා සිදු කළ යෝජනාව අතරතුරදීය. මෙම යෝජනාව සදහා පාර්ලිමේන්තුවේ මන්ත්රීවරුන් 20 දෙනකුට වැඩි ප්රමාණයකගේ කැමැත්ත ද හිමි විය.
එසේම සීමාසහිත න්යෂ්ඨික අවි යුද්ධයක බලපෑම ද නිර්මාණය වී ඇති බවත් මේ නිසා කලාපීය ආරක්ෂාව ගැන ද ගැටලුවක් මතුව තිබෙන නිසා හදිසි තත්ත්වයක් මත අද හෝ හෙට දිනයේ විවාදයක් සිදු කරන ලෙස ඉල්ලා සිටින බවත් ස්ථාවර නියෝග අත්හිටුවා රජය මේ ප්රශ්නයට ගන්නා ස්ථාවරය සහ මැදිහත්වීම ඉදිරිපත් කරන ලෙසත් මේ වන තෙක් විධිමත් පිළිතුරක් නොලැබුණු බවත් තනි තනි ඇමතිවරු මන්ත්රීවරු ඉදිරිපත් කරන ප්රකාශ සම්බන්ධයෙන් සෑහීමකට පත්විය නොහැකි බවත් මේ සම්බන්ධයෙන් කඩිනම් විසදුමක් කතානායකවරයාගෙන් ඉල්ලා සිටින බවත් විපක්ෂ නායකවරයා මෙහි දී පැවසීය.
