‘ප්රභා ඉවරයි ප්රභා ඉවරයි… දන්නවනේ කමාන්ඩෝස්ලා බැස්සොත්…’ ඒ, දශක තුනක් පුරා සමස්ත රටක් බියපත් කළ එල්.ටී.ටී.ඊ. ත්රස්ත නායකයාගේ පරිච්ඡේදය අවසන් කළ බව සමස්ත ශ්රී ලංකාවට හඬගා කියූ පළමු රණවිරුවාගේ කාහල නාදයයි. ඔහු වලස්මුල්ලේ ජීවත් වන විශ්රාමලත් කමාන්ඩෝ සෙබළ බුද්ධික මහේෂ්. පහත පළවන්නේ ඒ වීරෝදාර රණවිරුවා යුද්ධයේ අවසන් මොහොත ගැන තම අත්දැකීම් යුද්ධය නිමා වී වසර 16කට පසු ප්රථම වතාවට මාධ්ය වෙත පැවැසූ ආකාරයයි. Sri Lanka Latest News
‘අපි කණ්ඩායම නන්දිකඩාල් කළපුව ළඟට ගියා. ඒ නන්දිකඩාල් කළපුව ළඟ තමයි කලින් දවසේ රෑ පහරදීම් සිදුවෙලා තිබුණේ. චාල්ස් ඇන්තනී කියන පුද්ගලයා ඇවිල්ලා තියෙන්නේ ෆාරා 3 කියන නැවත් එක්ක ලයින් එක කඩාගෙන යන්න. ඉස්සරහා පැනලා තියෙන්නේ ප්රභාකරන්ව මුලතිව් කැලේට දාගන්න කළපුවෙන් ක්රොස් කරලා. එතැනදී තමයි මේ ඇටෑක් එක වෙලා තියෙන්නේ වී.අයි.ආර්. එකත් එක්ක. ලයින් එක කඩාගෙන එන නිසා පළමු වැනි කමාන්ඩෝ රෙජිමේන්තුවත්, පස්වැනි කමාන්ඩෝ රෙජිමේන්තුවත් ලයින් එක දාගෙන යනවා. එතකොට අපි හිටියේ පාරේ. අපි ආවා නන්දිකඩාල් කළපුව ළඟට. අපි ඒ කළපුවට බැහැලා වෙඩි තියාගෙන ගියා. අපේ හිටියා සීනියර් කෝප්රල් චින්තක කියලා කෙනෙක්. චින්තක යන ගමන් ත්රස්තවාදියෙක්ගේ වෙපන් එකක් බිම තිබිලා ගත්තා. සයනයිඩ් කරලක් තිබිලා ඒකත් ගත්තා. ඒ අරගෙන ඇපි දැන් ඇටෑක් කරගෙන යනවා. ත්රස්තවාදීන්ට අපට පහරදෙන්න තරම් ශක්තියක් නෑ කියලා තේරුණා. ඒ කියන්නේ 16 වැනිදා කළපුවට බැස්ස ගමන් තමයි තාමත් ඉන්නේ. මම මේ කියන්නේ 17 වැනිදා. එතකොට දවසක්ම කළපුවේ ඉන්නකොට කළපුවේ තියෙන ලුණු නිසා කොටින්ගේ ශක්තිය දුර්වල වෙලා.
අපි එදා 5.45 – 6.15 විතර වෙනකොට ක්ලියර් කරගෙන ඉස්සරහටම ගියා. අපිට ත්රස්තවාදීන්ගේ සිරුරු 83ක් ගොඩට ගේන්න පුළුවන් වුණා. ඒ අතර තිබුණු එක සිරුරක් මම ඇදගෙන ගොඩට ගේනකොට ඒ ත්රස්තවාදියාගේ ටීෂර්ට් එක කඩොලාන අත්තක පැටලුණා. පැටලිලා ටීෂර්ට් එක උඩට ගියාම දකින්න ලැබුණේ ඊට යටින් තියෙන මරාගෙන මැරෙන ජැකට් එකක්. ඒක දැක්කාම මේජර් බණ්ඩාර කිව්වා අපි දැනට මේ මෙහෙයුම නවත්තලා හෙට ආයෙත් පටන්ගමු කියලා. මොකද මරාගෙන මැරෙන ජැකට් එකක් කියන්නේ විශාල හානියක් කරන්න පුළුවන් දෙයක් නිසා. තවත් එවැනි මරාගෙන මැරෙන කොටි ඉදිරියේ ඉන්න පුළුවන්කම තියෙන නිසා.
පසුවදා ඒ කියන්නේ 18 වැනිදා අපිට එන්න අවශ්ය නෑ කිව්වා, වී.අයි.ආර්. එක ඉතිරි මෙහෙයුම් කරනවා කියලා දැනුම් දුන්නා. ඒ අනුව වී.අයි.ආර්. එකට තමයි ප්රභාකරන්ගේ සිරුර හමුවෙලා තියෙන්නේ. අපි ඒක ඊට කලින්ම දැනගෙන හිටියා. මොකද අපිට ප්රභාකරන්ගේ පිස්තෝලය හමුවෙලා තිබුණේ ඒ වෙද්දී. දැනටත් ඒ පිස්තෝලය ගණේමුල්ල යුද හමුදා කඳවුරේ තියෙනවා.
හිරු ටීවී නාලිකාවෙන් උපුටා ගන්නා ලද්දකි
