හස්ත රේඛාවල පිහිටීම පරීක්ෂා කර බලා යම් පුද්ගලයකුගේ අනාගතය සම්බන්ධයෙන් අනාවැකි පළකිරීමේ ශාස්ත්රය බොහෝ ඈත අතීතයට දිවයන්නකි. ලොව බොහෝ රටවල මෙම ශාස්ත්රය ප්රචලිතව ඇති අතර, ශ්රී ලංකාවේද එම ශාස්ත්රය ප්රගුණ කළ පුද්ගලයන් විශාල පිරිසක් සිටින බව දැකගන්නට ලැබේ. ඔවුන් අතර ‘කර්තේලිස්’ නමින් මීට දශක කිහිපයකට ඉහත මෙරට ඉතා ප්රචලිත හස්ත රේඛා විශේෂඥයකු සිට ඇත. හිටපු ජනාධිපති රණසිංහ ප්රේමදාස මහතා සමග සමීප ඇසුරක් පවත්වා ඇති ඔහු, එකල එයාර් ලංකා ගුවන් සේවයේ ප්රධාන ගුවන් නියමු ලෙස කටයුතු කළ කපිතාන් එල්මෝ ජයවර්ධන මහතාට මුණගැසී ඇති අතර, ජයවර්ධන මහතාගේ අත්ල පරීක්ෂා කර, ප්රබල අනාවැකියක් පවසා තිබේ. පහත පළවන්නේ කපිතාන් එල්මෝ ජයවර්ධන මහතා, හස්ත රේඛා විශේෂඥ කර්තේලිස් මහතා ඉදිරිපත් කළ අනාවැකිය සැබෑ වූ ආකාරය පිළිබඳ සිදුකළ ප්රකාශයකි. Sri Lanka Latest News
‘කර්තේලිස් කියන්නේ ලංකාවේ හිටපු ශාස්ත්ර කියන හොඳම මිනිහා. බොහොම හොඳ මනුස්සයෙක් ඉස්සර හිටියේ සොයිසාපුර. එයා දවසක් මම එයාර් ලංකා එකේ ඉන්න කාලේ මගේ ප්ලේන් එකේ යනවා ජපානෙට. එතකොට මට ස්ටුවර්ට් කෙනෙක් ඇවිල්ලා කිව්වා කැප්ටන්, ප්රේමදාස මහත්තයා මෙයාව ජපානයට යවනවා, ජපානේ කුමාරයගේ අත කියවන්න කියලා. එයාට ප්ලේන් එකේ නියමු කුටිය බලන්න ආසයි කියනවා කියලා මට කිව්වා. මම කිව්වා කමක් නෑ එන්න කියන්න කියලා. කර්තේලිස් කියන්නේ ඒ කාලේ බොහොම ප්රසිද්ධ චරිතයක්නේ. ඉතින් එයා ආවා. ආරිය සිංහල ඇඳුමක් ඇඳගෙන හිටියේ. මිනිහා කිව්වා මම ඉන්නේ සොයිසාපුරේ කියලා. මම කිව්වා ඉතින් මම ඉන්නෙත් ඒ කිට්ටුවනේ මොරටුවෙනේ කියලා. ඉතින් ඔය විදියට අපි දෙන්නා කතා කර කර හිටියා.
මම කර්තේලිස්ට කිව්වා ඔයාට බැරිද මට උදව්වක් කරන්න කියලා. එයා ඇහුවා මොකක්ද කියලා. මම කිව්වා මගේ අත කියවන්න කියලා. හරි කැප්ටන් මම බලන්නම් කිව්වා. මම ඊට පස්සේ මගේ සහායක නියමුවාට ප්ලේන් එකේ පාලනය භාරදීලා ලයිට් එකේ එළිය වැඩිකරලා මගේ අත කර්තේලිස්ට පෙන්නුවා. එයා ටිකක් වෙලා මගේ අත කියවලා, මම ගැන කියන්න පටන්ගත්තා. ඒ කියපු හැම දෙයක්ම හරියටම හරි. මට හරිම පුදුමයි. අන්තිමටම කර්තේලිස් මට කිව්වා, ඔයා තව මාස 6ක් යන්න කලින් ලංකාවෙන් යනවා කියලා. මම හිනාවෙලා කිව්වා කර්තේලිස් මහත්තයෝ ඔයා කියපු සේරම හරි. හැබැයි රට යන කතාව තමයි ඔයාට වැරැදුණේ කියලා. මොකද ඒ වෙද්දී මගේ කිසිම අදහසක් තිබුණේ නෑ රටෙන් යන්න. නමුත් කර්තේලිස් මට කිව්වා මාස 6ක් යද්දී ඔබතුමාට රටෙන් යන්න අවස්ථාවක් එනවා, ඒක අතහරින්න එපා, ඔයාට ඒ රැකියාව තමයි හරියන්නේ කියලා. මම ඒත් හිණා වුණා. මොකද මම කවදාවත් එහෙම දෙයක් වෙයි කියලා හිතුවේ නෑ.
කොහොම හරි මාස 6ක් යද්දී මට සිංගප්පූරුවට යන්න අවස්ථාවක් ආවා. මම එතකොට ලංකාවේ චීෆ් පයිලට්. ඒත් මෙහෙ වැඩකරන්න පුළුවන් පරිසරයක් තිබුණේ නෑ. බලපෑම් වැඩියි. ටෙලිෆෝන් කෝල්ස් එනවා අරයව ගන්න, මෙයාව ගන්න කියලා. ඒ වගේ තත්ත්වයක් යටතේ ලංකාවේ වැඩකරන්න මට කැමැත්තක් තිබුණේ නෑ. ඒ නිසා මම සිංගප්පූරු ගිය වෙලාවක සිංගප්පූරු ගුවන් සේවයට දුරකතන ඇමතුමක් දුන්නා. ඒකේ මානව සම්පත් අංශයේ ලෙස්ටර් කියලා මහත්තයෙක් මට කතා කළේ. මම එයාට කිව්වා මම ශ්රී ලංකන් ගුවන් සේවයේ ප්රධාන ගුවන් නියමුවා, මට සිංගප්පූරු ගුවන් සේවයේ රැකියාවක් ගන්න පුළුවන්ද කියලා. එයා මගෙන් ඇහුවා ඔයාට හෙට උදේට ඉන්ටර්විව් එකට එන්න පුළුවන්ද කියලා. මම කිව්වා පුළුවන් කියලා. ඊට පස්සේ මම පහුවදා උදේ ඉන්ටර්විව් එකට ගියා. ලෙස්ටර් මහත්තයා මාව ඉන්ටර්විව් කරලා ඉවර වෙලා ඇහුවා ඔයාට කවදා ඉඳලද වැඩට එන්න පුළුවන් කියලා. මම කිව්වා මට මාස 3ක් කල් ඕනේ කියලා. ඔහු කැමැති වුණා.
මම ගෙදර ඇවිල්ලා මගේ නෝනට කිව්වා ඔයා දන්නවද මට සිංගප්පූරු ගුවන් සේවයේ රස්සාවක් හම්බවුණා කියලා. නෝනා ඒක විශ්වාස කළේම නෑ. නමුත් ඒක ඇත්තක්. ඒ කිව්වා වගේ මම සිංගප්පූරු ගුවන් සේවයේ බොහොම සතුටින් කාලයක් සේවය කළා. ඉතින් මට කියන්න ඕනේ වුණේ කර්තේලිස් මහත්තයා එදා මගේ අත බලලා කියපු අනාවැකිය මමවත් නොහිතපු විදියට ඇත්තක් වෙච්ච එක ගැනයි.’
Gemunu Jayantha Wanninayake ෆේස්බුක් පිටුවෙනි
