ලොව මේ අවස්ථාවේ පිළි අරගෙන ඇති ආකාරයට අපනයන කේන්ද්රීය ආර්ථිකය රටේ සංවර්ධන ගමනේ හොඳම ශක්තිමත්ම පදනම විය යුතු බවත් එය කොමියුනිස්ට් චීනය වියට්නාමය සේම ධනවාදී හා සමාජවාදී රටවල් ද පිළිගෙන ඇති බවත් එදා රණසිංහ ප්රේමදාස මහතා ඇඟලුම් කම්හල් 200 වැඩසටහන ආරම්භ කළ බවත් ඒ අවස්ථාවේ ඒ වැඩපිළිවෙළට අපහාස කළ පිරිසක් සිටියත් අද වන විට අප රටේ අපනයන ක්ෂේත්රයේ ප්රමුඛතම ක්ෂේත්රයක් වී ඇති බවත් විපක්ෂ නායකවරයා පැවසීය.Sri Lanka Latest News
එදා ඩොනල්ඩ් ට්රම්ප් මහතා වාර්තා තබමින් ජනාධිපතිවරණය ජයග්රහණය කළ බවත් එදා ඔහුගේ තේමාව වුයේ පළමුව ඇමෙරිකා එක්සත් ජනපදය බවත් ඒ ප්රතිපත්තිය අනුව දශක ගණනාවක් පුර ඇමෙරිකාවේ භාණ්ඩවලට අධික බදු පැනවීම නිසා ඔහු ඇමෙරිකානු භාණ්ඩවලට අධික බදු පැනවූ රටවලට ප්රතිචාරක බද්ධක් පනවා ඇති බවත් මේ නිසා අප රටට ද 44% බද්දක් පනවා ඇති බවත් එම නිසා ජාත්යන්තර වෙළෙඳ ක්ෂෙත්රය ගැන විශේෂිත දැනුමැති පිරිසක් වොෂින්ටනයට යවා ඇමෙරිකාවේ බලවතුන් සමග සම්බන්ධතා ආරම්භ කර අප රටේ විසදුම් ඉදිරිපත් කිරීම යෝග්ය බව වත්මන් රජයට පාර්ලිමේන්තුවේත් ඉන් පිටතත් කිව්වත් රජය ඒ යෝජනා ගණන් නොගෙන උද්ධච්ච පිළිතුරු දුන් බවත් විපක්ෂ නායකවරයා පැවසීය.
පසුගිය දා ඩොනල්ඩ් ට්රම්ප් ජනාධිපතිවරයා විශේෂ ප්රකාශයක් සිදු කර ලෝකයේ රටවලට ගහන බදු ද ප්රකාශ කළ බවත් අපරට ඇමෙරිකානු භාණ්ඩවලට 88%ක බදු ගැසු නිසා 43% ක බද්දක් ගැසු බවත් මෙවැනි තත්ත්වයක් ඇතිවන බව දැන සිටියත් රජය ඒ ගැන කිසිත් නොකර සිටි බවත් සමගි ජන බලවේගය මේ ගැන අනතුරු අගවන විටත් යෝජනා ඉදිරිපත් කරන විටත් ඒවා නොතැකූ බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ ඉදිරි පළාත් පාලන මැතිවරණ වෙනුවෙන් නැගෙනහිර කොළඹ ආසන සංවිධායක අනුරාධ විමලරත්න මහතා විසින් සංවිධානය කර තිබූ ජන හමුවක් අමතමිනි.
අද වන විට අප රටේ අපනයන ක්ෂේත්රයට සම්බන්ධ සැවොම කැළඹී ඇති බවත් ඇඟලුම් කර්මාන්තශාලා හිමියන්ගේ සංගමය හමුවු අවස්ථාවේ ඔවුන්ද මේ නිසා කැලබී ඇති බවත් අප්රේල් 9 සිට මේ බදු ප්රතිපත්තිය ක්රියාත්මක කරන බවත් ලෝකයේ රටවල් මේ බදු ගැන ඇමෙරිකාව එක්ක කතා කළත් අප රට මුකුත් නොකර සිටි බවත් විපක්ෂ නායකවරයා වැඩිදුරටත් පැවසීය.
මිලියනයකට වැඩි පිරිසකගේ රැකියා අනතුරේ
අප රටේ ඇගලුම්වලින් 40%ක් ඇමෙරිකාවට යන බවත් 350,000කට සෘජු රැකියා මෙන්ම මිලියනයක් වක්රව රැකියා ආදායම් උත්පාදනය කරන බවත් අද මේ අයගේ රැකියා අනතුරේ බවත් මේ කර්මාන්තකරුවන් සහ සේවකයන් අනාථ වී ඇති බවත් විපක්ෂ නායකවරයා පෙන්වා දුන්නේය.
රජයට තාම හරිහමන් වැඩපිළිවෙළක් නැ
මේ ගැන රජයට වැඩපිළිවෙළක් දර්ශනයක් නැති බවත් මේ බදු පැනවීම සිදු නොවේවා කියා තමා ප්රාර්ථනා කරන බවත් මේ බදු නිසා ඇඟලුම් ක්ෂේත්රය කඩා වැටුණොත් ආර්ථික සුනාමියක් එන බවත් සමගි ජන බලවේගය හමුවන රාජ්ය තාන්ත්රික නියෝජිතයන්ගෙන් ද ඉල්ලා සිටින්නේ රටට හයියක් වන ලෙසත් තමාට වටින්නේ රට සහ ජනතාව බවත් දුක්විදන ජනතාවගේ දුක මුලික කර ගෙන බලය ලබා ගන්නා කුහක දේශපාලනයේ තමා නොමැති බවත් විපක්ෂ නායකවරයා පැවසීය.
අපිට උදව් කරන්න කියලා මෝඩි අගමැතිතුමාගෙන් ද ඉල්ලුවා
තමා නරේන්ද්ර මෝඩි මහතා හමුවු අවස්ථාවේ පවා ඉල්ලා සිටියේ අප රටේ නිෂ්පාදන සදහා ඉන්දීය වෙළෙඳපොළ තවදුරටත් විවෘත කරන ලෙසත් බංකොලොත් අපරටේ ජනතාව ගොඩ එන්න උත්සාහ දරන ප්රයත්නයට ශක්තියක් දෙන්න කියා ඉල්ලා සිටින බවත් බංකොලොත් වු අවස්ථාවේ පවා ඉන්දියාව අපිට වැඩිම සහයෝගයක් ලබා දුන් බවත් ඉදිරියටත් එවැනි සහයෝගය අවශ්ය බව පැවසු බවත් විපක්ෂ නායකවරයා වැඩිදුරටත් පැවසීය.
මේ ප්රශ්නයට රජයේ ප්රතිචාරය වුයේ කමිටුවක් පත් කිරීම වුවත් සිදුවිය යුත්තේ විශේෂඥයන් පිරිසක් ඇමෙරිකාවට යවා සාකච්ඡා කිරීම බවත් මේ බදු පැනවීම නතර වේවා කියා ප්රාර්ථනා කරන බවත් විපක්ෂ නායක සජිත් ප්රේමදාස මහතා තවදුරටත් පැවසීය.
