මෙයට වසර 9කට පෙර වත්මන් එන්.පී.පී. ආණ්ඩුවේ ප්රබල ඇමැතිවරුන් වන සුනිල් හඳුන්නෙත්ති, නලින්ද ජයතිස්ස, වසන්ත සමරසිංහ ඇමෙරිකානු තානාපති කාර්යාලයට ගොස් කියුබාවට එරෙහිව ඇමෙරිකාව සම්බාධක පැනවීමට විරෝධය පළකරමින් ලිපියක් බාරදුන්හ. විජේවීරගේ කාලයේ සිට ජවිපෙ කියුබාව සමග සමීප සබඳතා පැවැත්වූවේය. ජවිපෙ හැම වසරකම කියුබානු විප්ලවීය නායක චේ ගුවේරාගේ දිනය මහ ඉහළින් සමරනු ලැබීය. කියුබානු නායක පිදෙල් කැස්ත්රෝ අනුස්මරණය කරමින් ජවිපෙ පැවැත්වූ රැස්වීමේදී ජවිපෙ නායක අනුර කීවේ අධිරාජ්යවාදී ඇමෙරිකාව කියුබාවට පනවා ඇති සම්බාධක ඉවත් කරගත යුතු බවය. ඒ වෙනුවෙන් ජවිපෙ පෙනීසිටින බවද ඔහු පැවැසීය. ජනාධිපතිවරණයට පෙර කියුබානු තානාපතිවරයා අනුර කුමාර ඇතුළු ජවිපෙ නායකයන් හමුවිය. ඒ සෑම අවස්ථාවකදීම ඇමෙරිකාව කියුබාව සම්බන්ධයෙන් පනවා ඇති සම්බාධකවලට එරෙහිව පෙනීසිටින්න ජවිපෙ නායකයන් පොරොන්දු විය. Sri Lanka Latest News
අනුර කුමාර ජනාධිපති වූවාට පසු කියුබානු තානාපතිවරයා 2025 ජනවාරි 28 ජවිපෙ ලේකම් ටිල්වින් හමුවිය. එහිදීත් ජවිපෙ ලේකම් කියුබාවට එරෙහි සම්බාධක ඉවත් කරගන්න ආණ්ඩුවේ සහාය දෙන බවට පොරොන්දු විය. එහිදී කියුබානු තානාපති ට්රම්ප්ගේ ආණ්ඩුව කියුබාව ත්රස්තවාදීන්ට ආධාර කරන රටවල් ලැයිස්තුවට ඇතුළත් කිරීමට ගත් තීරණය සම්බන්ධයෙන්ද ජවිපෙ ලේකම්වරයා දැනුවත් කළේය.
මේ ජවිපෙ සහ කියුබානු සහයෝගිතාව ශ්රී ලංකා ඇමෙරිකානු සබඳතාවලට කෙලෙස බලපායිද යන්න ප්රශ්නයකි. ජවිපෙ නායක රෝහණ විජේවීර 1977 හිරෙන් නිදහස් වූවාට පසු විදේශ සමුළුවකට ආරාධනා ලැබුවේ කියුබාවෙන්ය. ජවිපෙට කියුබාව නොසලකා හරින්න බැරිය. ඒ වගේම එන්.පී.පී. ආණ්ඩුවට ඇමෙරිකාව නොසලකා ඉන්න බැරිය. එන්.පී..පී. ආණ්ඩුවට අයි.එම්.එෆ්. ගිවිසුම පවත්වාගෙන යෑමට ඇමෙරිකාවේ සහාය අවශ්යය. එන්.පී.පී. ආණ්ඩුව බලයට ඇවිත් මාස 6කට ආසන්නය. තවමත් ජවිපෙ ඇමෙරිකාව තරහා කරගන්න කිසිදු තීරණයක් ගෙන නැත. නමුත් ට්රම්ප්ගේ නව ආණ්ඩුව අයි.එම්.එෆ්. සහ ලෝක බැංකුවෙන් ඉවත් වීමට කරුණු අධ්යයනය කරමින් සිටින බව විදේශ මාධ්ය වාර්තා කරයි. එසේ වුවහොත් එන්.පී.පී. ආණ්ඩුවට අයි.එම්.එෆ්. ගිවිසුම පවත්වාගෙන යෑමට ඇමෙරිකානු කැමැත්ත ආරක්ෂා කිරීමට අවශ්ය නොවේ. මෙය වමට පෙර එන්.පී.පී. ආණ්ඩුවට වාසිදායකය. එහෙත් කලින් ඇමෙරිකානු ආණ්ඩුවලට වඩා ට්රම්ප්ගේ ඇමෙරිකානු ආණ්ඩුව සමග ගනුදෙනු කිරීම ලෙහෙසි නැත. කලින් ඇමෙරිකානු ආණ්ඩුවෙන් ට්රම්ප්ගේ ආණ්ඩුවට ලොකු බලපෑමක් නැත. ලංකා ආණ්ඩුව තමන්ට විරුද්ධ යැයි ට්රම්ප්ගේ ආණ්ඩුව තීරණය කළොත් විපාක දරුණු වනු ඇත.
