අල්ලස් හෝ දූෂණ ක්රියාවන් සඳහා වැටලීම් සිදුකොට අත්අඩංගුවට ගැනීමේ ක්රියාවලියේදී 2023 සැප්තැම්බර් 15 දින බලගැන්වුණු අංක 09 දරන පනත යටතේ පෞද්ගලික අංශවලට අදාළව අල්ලස් ගැනීමේ සිද්ධීන්වලට අදාළ පුද්ගලයන්ද අත්අඩංගුවට ගැනීමට හැකියාව ඇතැයි අල්ලස් කොමිසමේ උසස් නිලධාරියකු ‘මව්රට’ට පැවැසීය. Sri Lanka Latest News
ඒ අනුව පසුගියදා එක්තරා පෞද්ගලික හෝටලයක මානව සම්පත් කළමනාකරුවකුද අල්ලස් දැලට හසුව තිබේ.
පෞද්ගලික අංශයට අදාළව මීට පෙර අල්ලස් කොමිසමට වැටලීම් සිදුකිරීමට බලයක් නොතිබූ බවද ඔහු පැවැසීය.
පසුගිය වසර තුළදී අල්ලස් කොමිසමට ලැබී තිබූ පැමිණිලි සංඛ්යාව 4,267ක් වන අතර, එම පැමිණිලි අතරින් විමර්ශනය කිරීමට නියෝග ලැබී ඇත්තේ 1,105ක් පමණක් බවද සඳහන්ය.
විමර්ශන සඳහා අවශ්ය කරුණු නොමැති වීම සහ පනතට අදාළ නොවන පැමිණිලි 1,175ක් ඇති අතර, තවත් පැමිණිලි 790ක් සඳහා වැඩිදුර වාර්තා කැඳවා ඇති බවද එම නිලධාරියා පැවැසීය. එම පැමිණිලි අතර තිබූ පැමිණිලි 803ක් වෙනත් ආයතනවලට යොමුකර තිබේ.
එම කාලසීමාව තුළදී වැටලීම් 116ක් සිදුකොට සැකකරුවන් 86 දෙනකු අත්අඩංගුවට ගෙන තිබේ.
එම සැකකරුවන් අතර පොලිස් නිලධාරීන් 23 දෙනකු සහ සිවිල් පුද්ගලයන් 27 දෙනකුද වේ.
ප්රේමලාල් විජේරත්න
