විදේශගතව හිටපු අනුෂ්කා මැදිවක හුඟ කාලෙකට පස්සේ ලංකාවට ඇවිදින්. සෝෂල් මීඩියාවලත් ඈ කතාබහ කරන්න අරගෙන. Sri Lanka Latest News
අනුෂ්කා මැදිවක කියන නම අලුත් තාලේ තරුණ පුරපුරට නම් ඒ තරම් හුරු නැතිව ඇති. සමහර විට කොහොමවත් හුරු නැති වෙන්නත් පුළුවන්.
ඒත්, 80 දශකයේ චිත්රපට බලපු අයට නම් ඒ නම අමතක වෙන්න බැහැ.
සුවිශේෂ හැඳින්වීමක් මෙතැනදී කරනවා නම් හැමෝම වාගේ දන්න විදියට අනුෂ්කා මැදිවක කියන්නේ විලියම් ගොපල්ලවගේ මිණිබිරියක්. ඒ වගේම 80 දශකයේ හිටපු ජනප්රිය නිළියක්.
ඒ කියන්නේ අනුෂ්කා සිනමාවේ හිටියේ 80 දශකයෙ විතරයිද?
අනුෂ්කා නිළියක් වෙන්න හීන මැව්වේ පුංචි කෙල්ලක කාලේ හිතේ කොනක උපන්න ආශාවක් ඉටුකර ගන්නයි. එහෙම නැතුව වෘත්තීය නිළියක වී දිගින් දිගටම රඟපාන්න ඇය හීන මැව්වේ නැහැ.
අනුෂ්කා ගැන කියන්න රසම රස තවත් ඕපාදූපයක් තියෙනවා. ඒ තමයි ඈ සිංහල සිනමාවේ ‘බ්රෑන්ඩ්’ එකක් වෙච්ච අපේ ජනප්රිය නළු සනත් ගුණතිලකගේ පෙම්වතියක වෙලා හිටපු කතන්දරය.
මේ සටහන කියවන ඔයාලා දන්නවද මේ ඕපාදූපය ලුණු ඇඹුල් පදමට දාලා මේ විදියට ලියන එකෙන් අනුෂ්කාගේ චරිතයට හානියක් වෙන්න පුළුවන්ය කියලා. නැහැ. ඒක එහෙම වෙන්න හේතුවක් නැහැ. ඇයිද කියනවා නම්, අනුෂ්කා පසුගිය දවසක ජනප්රිය යූටියුබර් කෙනෙක් එක්ක කතාබහකට ආව වෙලාවේ සනත්ගෙයි ඇගෙයි පෙම් කතාව ගැන හරිම විවෘතව නිහතමානීව කතාකරලා තිබුණා. දෙන්නගේ ඒ පෙම් පලහිලව්වට අදට අවුරුදු හතළිස් ගණනක් විතර වෙනවා.
‘අම්මේ මට සමාවෙන්න’ ෆිල්ම් එක කරනකොට තමයි ආරංචියේ හැටියට ඒ දෙන්නගේ ආදර කතාව පටන්ගත්තේ. දෙන්නම තරුණයි. ලස්සනයි. ජනප්රිය වේගෙන එන කාලේ. ඒ හින්දම මේ දෙන්නගේ ප්රේමය මාධ්යයටත් හොඳ මාර්කට් එකක් වුණා. සිනමා පත්තරවල සඟරාවල කවර් පේජ් මේ ආදරවන්තයෝ දෙන්නගේ රුවින් හැඩවුණා.
