සිංහම් (Singham) බසිස්කෝප් මාලාවට මැඩ්රාස් සිනමා ලෝලීන් තුළ ඇත්තේ වචනයෙන් කියා නිමකරන්නට බැරි උමතුවකි. උන්මාදයකි. ෆැෂන් එකට කියනවා නම් එය ක්රෂ් එකකි. එකකින් නතර නොවී ‘සිංහම්’ බයිස්කෝප් මාලාවක් වූයේ ඒකය. සිංහම් 1, 2, 3 සහ ‘සිංහම් රිටර්න්’ යනුවෙන් කොලිවුඩය අවුරුද්දෙන් අවුරුද්ද එක පෙළට චිත්රපට හදනකොට බොලිවුඩයටද ‘සිංහම්’ යන පොලිස් නිලධාරියාගේ වීර චරිතය අලළා හින්දි එකක් කරන්නට සිත පහළ විය. (Sri Lanka Latest News)
ඒ සිත පහළ වූයේ දමිළයකු ලෙස මැඩ්රාස්වල උපත ලද වීරු දේව්ගන්ගේ පුත් සුපිරි උතුරු ඉන්දියානු නළු අජේ දේව්ගන්ටය. අජේ දමිළයකුගේ පුතකු වුණාට සිනමා ගමන ආරම්භ කළේ හින්දි චිත්රපටවල රඟපාමින්ය. වීරු දේව්ගන්ද රංගනයෙහි යෙදෙමින් හින්දි චිත්රපට නිෂ්පාදනයෙහිද නියැළී සිටි සුපිරි නිර්මාණකරුවෙකි.
අජේ දේව්ගන් තම සිතට සිංහම් ගැන ආ සුපිරි දොළ සංසිඳවා ගැනීමට එහි නිෂ්පාදන මෙහෙවර සඳහා සම නිෂ්පාදකවරුන් කිහිප දෙනකුද එකතු කරගනිමින් රෝහිත් ෂෙට්ටිට අධ්යක්ෂ ධුරය බාරදෙමින් ප්රධාන නළු චරිතයද කර ගැහුවේ අක්ෂේ කුමාර්, කරීනා කපූර් ඛාන්, දීපිකා පදුකෝන්, ටයිගර් ෂෙරෝෆ් සහ අර්ජුන් කපූර් යන සුපිරි තරු එකතුවද එයට සම්මාදම් කරගනිමින්ය.
කුමක්දෝ මිථ්යා සුබ නිමිත්තකට අනුව නොවැම්බර් පළමු වැනිදා දීවාලි උත්සවය දවසේ ‘සිංහම් අගේන්’ චිත්රපටය සිනමා ශාලාවල ප්රදර්ශනය විය. පළමු සතිය වනවිට ‘සිංහම් අගේන්’ කෝටි 2.45ක ආදායමක් දුන් අතර, 4 වැනි සතිය වනවිට එය කෝටි 6.45ක් පමණ විය. පස්වැනි සතිය පසුකරන විට එය කෝටි 250ක මුදලක් නිෂ්පාදන වැය දැරූ කට්ටුවට ලබාදී තිබිණි.
‘සිංහම්’ වූ අජේ දේව්ගන් එයින් සතුටු වුණාද?
කොහෙත්ම නැත. ඒ ආදායම ඔවුන්ට සැටිස් නැත. අජේ ඇතුළු සම නිෂ්පාදකවරුන් නොසිතූ ලෙස ඩිසපොයින්ට්ව සිටින බව ඉන්දියානු සිනමා සඟරා සහ සමාජ මාධ්ය පුරා ප්රචලිතව තිබිණි. ඒ කියන්නේ ‘සිංහම් අගේන්’ ආසාර්ථකයි. හේතුව ප්රධාන පාට් එකට කොලිවුඩ්වල ස්ත්රී උන්මාදය වූ ‘සූර්යා නැතිවීමද?
එහෙම එකක් නම් නැත. සිදුව ඇත්තේ මධුරිගේ මහේෂාක්යය නැවත පතුරුවාලූ ‘භූල් භූලයියා’ද ඒ සමගම තිරගත වීමය.
ඒ කියන්නේ භූල් භූලයියා අච්චර සුපිරි නළු නිළි එකතුවක් රඟන ‘සිංහම්’ට තරු විසිවෙන්න අතුල් පහරක් ගහලද?
ඒකනෙ කියන්නේ. බොලිවුඩ්වල ඉන්න සුපිරිම නළු නිළි එකතුවක් එකට පටලවලා සුපිරියටම හදාපු ‘සිංහම් අගේන්’ ෆිල්ම් එකෙන් සති 4ක් යනවිට අජේලාගේ බලාපොරොත්තුව වුණේ ඉන්දියානු මුදලින් රුපියල් කෝටි 350ක විතර ආදායමක් හෝ ඊට වැඩි යමක් නමුත් සිද්ධ වුණේ වෙන දෙයක්. තවත් විදියකට කියනවා නම් ‘සිංහම් අගේන්’ බලාපොරොත්තු නොවුණු ආදායමින් ඒ විදියට කඩාවැටෙනකොට ‘භූල් භූලයියා’ නිෂ්පාදකවරු එයාලා අනුමාන කරපු ගණනට වඩා වැඩි යමක් සති 4 යනකොට එයාලගේ සාක්කුවලට දාගෙන හමාරයිලු. ඒ කියන්නේ මධුරිගේ සුන්දර සිනාවත් ආලිංගනයත් එක්ක විද්යා බාලන්වයි, කාර්තික් ආර්යන්වයි විතරක්ම ප්රධාන චරිතවලට දාලා භූෂන් ඇතුළු සමනිෂ්පාදකවරුන් තුන්කට්ටුව හදාපු ‘භූල් භූලයියා’ගෙන් ඔවුන් බලාපොරොත්තු වුණේ කෝටි 181ක්. නමුත් හිතපු නැති විදියට එයාලගේ ටාර්ගට් එක කෝටි 250 පන්නගෙන 300 සීමාවට දැනටම ඇවිදින්.
ඒක නියමයිනේ.
ඔව්. භූල් භූලයියා නිෂ්පාදන තුන්කට්ටුව සව්දිය පුරනවලු. සති 5 ඉක්මවන මේ සතියේ ‘සිංහම් අගේන්’ මන්දගාමී ගමනක යනවිට ‘භූල් භූලයියා’ සිය ගමන වේගවත්ව යනවලු. පාඩුවක් නැති වුණත් කෝටි 300 ටාර්ගට් එක හබක් වෙච්ච එක විශේෂයෙන් අජේට ෂොක් එකක්ලු.
ඊළඟට මොකද වෙන්නේ?
ඊළඟ මොහොත කොහොමත් අවිනිශ්චිතයි කියනවනේ. නැත්නම් ඉතින් මහා ලොකු සද්දයක් දාලා හෝල්වලට ආව ‘සිංහම් අගේන්’ට මෙහෙම වෙයිද?
කොහොමත් කාර්තික් ආර්යන්, මධුරි ඩික්සිත් එක්ක එකතු වෙලා සුපිරි වැඩ්ඩො කල්ලියට දුන්න සුපිරි ගේම ගැන ඉන්දීය මාධ්ය අතර ලොකු කසුකුසුවක් යනවලු.
දමයන්ති රේණුකා ප්රනාන්දු
