රජය මේ වන විට භයානක තීන්දුවක් ගෙන ඇති බවත් මේ තීන්දුව හරහා දරුවන් සහ මව්වරුන් අසහනයට පත්වන බවත් කාලයක් පුරා අප රටේ වසර 5ට අඩු අඩු බර දරුවන්ට, නීරක්තියෙන් පෙළෙන ගැබිනි මව්වරුන්ට කිරිදෙන මව්වරුන්ට ත්රිපෝෂ ලැබෙන බවත් මාසෙකට පැකට් ලක්ෂ 16ක් ලබා දෙන බවත් දැනට මව්වරුන් 664920ක් සහ දරුවන් 925172 කට ලබා දෙන නමුත් වත්මන් ජනාධිපතිවරයා බලයට පත්වූ පසු 2024 සැප්තැම්බර් 27 අංක 2403/ 53 දරණ ගැසට් නිවේදනය හරහා ත්රිපෝෂ සමාගම ඈවර කරන්න හෝ වෙනත් සමාගමකට ඒකාබද්ධ කරන්න තීන්දු කර ඇති බවත් සජිත් ප්රේමදාස මහතා පැවසීය.Sri Lanka Latest News
මව්වරුන්ට දරුවන්ට ත්රිපෝෂ ලබා දුන් එම සමාගම විනාශ කිරීමේ තීන්දුව අනුර කුමාර දිසානායක රජය ගෙන ඇති මෙම සමාගම සතු යන්ත්ර සූත්රවල ධාරිතාව ත්රිපෝෂ නිෂ්පාදනයටත් වඩා වැඩි නිසා අමතර සීරියල් නිෂ්පාදනය කරලා රජයට වාර්ෂිකව මිලියන 500ක් ද ලබා දෙන මෙම ආයතනය අයි එම් එෆ් උපදෙස් පරිදි වසා දමන්නට, ඈවර කරන්න කටයුතු කරන්නේ ජනතා විමුක්ති පෙරමුණේ අනුර කුමාර දිසානායක ජනාධිපතිවරයා ප්රමුඛ ආණ්ඩුව බවත් සජිත් ප්රේමදාස මහතා පැවසීය.
සමගි ජන බලවේගයේ නායක සජිත් ප්රේමදාස මහතා මේ බව කියා සිටියේ හෝමාගම පැවැති ජන හමුවක් අමතමිනි.
මෑත කාලයේ ඉතිහාසය පුරා මව්වරුන්ට දරුවන්ට ත්රිපෝෂ ලබා දීම සෑම ආණ්ඩුවක්ම කළ බවත් සමහර ආණ්ඩුව මේවා නතර කරන්න උත්සාහ කරන විට එයට විරුද්ධව සටන් කළත් මේ මොහොත වන විට වත්මන් ආණ්ඩුවද අම්මලාට දරුවන්ට ශක්තියක් වන ත්රිපෝෂ කර්මාන්තශාලාව වසා දමන්න සාමාන්ය ජනතාව, නිර්ධන පන්තිය නියෝජනය කරන ජනාධිපතිවරයා ප්රමුඛ ආණ්ඩුව කටයුතු කරන බවත් මෙයට විරුද්ධව සටන් කරන බවත් මේ උත්සාහය පරාජය කරන බවත් සජිත් ප්රේමදාස මහතා පැවසීය.
ජනපතිගේ පොරොන්දු අද පුස්සක් වෙලා
වත්මන් ජනාධිපතිවරයා ජනාධිපති වේදිකාවක් වේදිකාවක් පාසා අනුර කුමාර දිසානායක අපේක්ෂකයා කරනවා කියූ සෑම දෙයක්ම අද වන විට බොරුවක් බවට පත්ව ඇති බවත් ඒ බව ඔහුම ඔප්පු කර ඇති බවත් වරායෙන් තෙල් බාන්නේ එක මිලකට සහ එම තෙල් ජනතාවට විකුණන්නේ තව මිලක් බවත් එයට හේතුව අධික බදු බර දූෂණය වංචාව හොරකම නිසා ඒවා නැති කර එම වාසිය ජනතාවට ලබා දෙන බව පැවසුවත් අද වන විට එම පොරොන්දුවත් පුස්සක් වී ඇති බවත් සජිත් ප්රේමදාස මහතා පැවසීය.
තෙල් සංස්ථාවේ ජනාධිපතිවරයාට නම් අල්ලස් කොමිස් මුදල් වංචා සොයා ගත නොහැකි බවට පවසන බවත් තෙල් අඩු කරන්නේ මුදල් අමාත්යාංශයේ තීන්දුව අනුව බවත් තෙල් අඩු කළොත් රට බංකොලොත් වන බව තෙල් සංස්ථාවේ සභාපතිවරයා එසේ කියද්දි අනුර කුමාර දිසානායක ජනාධිපති අපේක්ෂයා ඇතුළු ජනතා විමුක්ති පෙරමුණේ ප්රබල නායකයන් බොරු කියමින් යන බවත් සජිත් ප්රේමදාස මහතා අවධාරණය කළේය.
අද පාස්පෝට් පෝලිම තියෙන්නේ ඔන්ලයින්
මොවුන් විදුලි බිල සම්බන්ධයෙන් ද කිව්වේ එවැනි කතාවක් බවත් 33%කින් විදුලි බිල අඩු කරනවා යැයි කිව්වත් එයද අඩු නොවූ බවත් බදු බර, බඩු මිල ආදිය ගැන ද එවැනි කතා කිව්වත් අද වන විට පොල් පෝලිම් පවා ඇතිව තිබෙන බවත් පාස්පෝට් පොලිමට විසදුමක් දෙනවා කිව්වත් අද වන විට පෝලිමට විසදුමක් ලබා දී පාස්පෝට් පොලිම ඔන්ලයින් ඇතිව තිබෙන බවත් ඔන්ලයින් පාස්පෝට් ගන්නත් මාස ගණනාවක් යන බවත් සජිත් ප්රේමදාස මහතා පැවසීය.
ගුරුවරුන්ගේ 2/3ටත් පොල්ලක් තියයි වගේ
අපේ රටේ ගුරුවරුන් සිය වැටුප්වල ඉතිරි තුනෙන් දෙක ලැබෙනකම් බලා සිටින බවත් රාජ්ය සේවකයන්ගේ වැටුප් වැඩි නොකරන මෙම රජය ගුරුවරුන්ගේ තුනෙන් දෙක දෙයි ද කියා ගැටලුවක් ඇති බවත් සජිත් ප්රේමදාස මහතා මෙහි දී අවධාරණය කළේය.
