රටේ ජනතාව රවටා බොරු පොරොන්දු ලබා දී අද වන විට ජනාධිපති තනතුරට ගිය අනුර කුමාර දිසානායක ජනාධිපතිවරයාට ජනතා බලාපොරොත්තු ජනතා අභිලාෂයන් තහවුරු කරන්නට බැරිවී ඇති බවත් වේදිකාවක් වේදිකාවක් පාසා පාස්පෝට් පෝලිමට විසඳුම් දෙනවා කිව්වත් අද දී ඇති එකම විසඳුම වන්නේ පාස්පෝට් පෝලිමත් දිගු වීම බවත් වෙනදටත් වඩා එම පෝළිම දිග් වන විට රජය කියන්නේ අත්යාවශ්ය අයට පමණක් පාස්පෝට් ගන්න කියා බවත් ජනාධිපතිවරයෙක් පත් වූයේ රජයක් පිහිටුවූයේ පාස්පෝට් පෝලිමේ ඉන්න අයගේ සුදුසුකම් බලන්න නොමැති බවත් සජිත් ප්රේමදාස මහතා පැවසීය.
සමගි ජන බලවේගයේ නායක සජිත් ප්රේමදාස මේ බව කියා සිටියේ ගාමිණී තිලකසිරි මහතාගේ ප්රධානත්වයෙන් නාවින්නේ දී පැවැති ජන හමුවකදීය.
අන්ත දූෂිත පාස්පෝට් ගණුදෙනුවක් හරහා මේ තත්ත්වය නිර්මාණය වූ බවත් එයට විරුද්ධව කතා කළ ජනතා විමුක්ති පෙරමුණට පවා මේ ගැටලුවකට විසදුමක් දෙන්න නොහැකි වී ඇති බවත් ඊට අමතරව අත්යාවශ්ය ආහාරවල මිල ද ඉහළ ගොස් ඇති බවත් පාස්පෝට් පොලිම මෙන්ම පොල් ගෙඩි පෝලිමක් ද ඇතිව තිබෙන බවත් සජිත් ප්රේමදාස මහතා පැවසීය.
තෙල්වල ඇති දූෂණ ඉවත් කර තෙල් කොමිස් මුදල් නැති කර තෙල් මිල පහත දමනවා යැයි කිව්වත් එය ද කරන්න නොහැකි වි ඇති බවත් තුනෙන් දෙකකින් එනම් 66%කින් විදුලි බිල අඩු කරනවා යැයි කිව්වත් එය ද සිදු නොවී ඇති බවත් වත්මන් රජය ජනතා අපේක්ෂා ඉටු කරන්න නොහැකිව දුර්වල රාජ්ය පාලනයක් ක්රියාත්මක කරන බවත් සජිත් ප්රේමදාස මහතා අවධාරණය කළේය.
වත්මන් රජයට නොහැකි වුවාට සමගි ජන බලවේගය ජය ගත් පසු බඩු මිල අඩු කරන බවත් ජනතා අපේක්ෂා ඉටු කරන බවත් වත්මන් රජය අයි එම් එෆ් එක ඉදිරියේ දණ ගැසුවාට සමගි ජන බලවේගය විපක්ෂයේ සිට අයි එම් එෆ් සමග සාකච්ඡා කර එකගතා රැසකට එළැඹ ඇති බවත් මේ තත්ත්වයෙන් රට මුදවා ගත යුතු බවත් එසේ නොවුවහොත් තවදුරටත් රට බංකොලොත් වීම නැවැත්විය නොහැකි බවත් සජිත් ප්රේමදාස මහතා පෙන්වා දුන්නේය.
