මහ මැතිවරණයට ඉදිරිපත් වී සිටින සෑම දේශපාලන පක්ෂයකම සහ ස්වාධීන කණ්ඩායමකම අපේක්ෂකයන් 8,000කට ආසන්න පිරිසකගේ තොරතුරු එක්රැස් කර වෙබ් අඩවි හරහා ප්රසිද්ධ කිරීමේ ක්රියාවලියක් සඳහා මේ වනවිට තොරතුරු එක්රැස් කරගෙන යන බව පැෆ්රල් සංවිධානයේ විධායක අධ්යක්ෂ රෝහණ හෙට්ටිආරච්චි මහතා ‘මව්රට’ට පැවැසීය. (Sri Lanka Latest News)
එම ක්රියාදාමයේදී අදාළ අපේක්ෂකයන්ගේ අධ්යාපන සුදුසුකම් මෙන්ම පාර්ලිමේන්තුවට යෑම සඳහා අදහස් කළේ ඇයිද යන්නත් මහජනයා සඳහා ඉටුකිරීමට සූදානම් වන පොරොන්දු පිළිබඳවද විස්තර ලබාගැනීමට කටයුතු යොදා ඇති බවයි ඒ මහතා සඳහන් කළේ.
මෙම විස්තර ඉල්ලා පක්ෂ ලේකම්වරුන්ටද ලිඛිතව දැනුම් දීමක් සිදුකොට ඇති බවද හෙට්ටිආරච්චි මහතා පැවැසීය.
මහ මැතිවරණය සඳහා වැයවන වියදම් විස්තර සහ ආදායම පිළිබඳ දිනපතා වාර්තා සූදානමේ තබාගැනීමෙන් මැතිවරණය අවසානයේ මැතිවරණ කොමිසම ඉල්ලනු ලබන වියදම් විස්තර ලබාදීමට අපහසුතා හෝ ගැටලු මතු නොවන බවද පැෆ්රල් සංවිධානය සියලු අපේක්ෂකයන්ට දැනුම් දී ඇත.
එවැනි අන්දමේ ගැටලු මතුවුවහොත් ඉදිරියේදී පැවැත්වීමට නියමිත පළාත් සභා මැතිවරණයට ඉල්ලීමේ අපේක්ෂාවක් ඇති අයටද ගැටලු මතු නොවන බවයි ඔහු පෙන්වා දෙන්නේ.
ප්රේමලාල් විජේරත්න
