සජිත් ප්රේමදාස මහතාට සිය පක්ෂය සහාය දැක්වීමට ගත් තීන්දුව පිළිබදව මාවෙයි සේනාධිරාජා මහතා නොදන්නා බවට පළවූ පුවතට ප්රතිචාර දක්වමින් ඉලංගෙයි තමිල් අරසු කච්චි මහ ලේකම් පී. සත්යලිංගම් මහතා නිවේදනයක් නිකුත් කරමින් පැවසුවේ ඉදිරි ජනාධිපතිවරණයේ දී සමගි ජන බලවේගයේ ජනාධිපති ධුර අපේක්ෂක සජිත් ප්රේමදාස මහතාට සහාය ලබාදීමට ගත් තීරණය පක්ෂයේ මධ්යම කාරක සභාව රැස්වී ගත් ඒකාබද්ධ තීන්දුවක් බවය.Sri Lanka Latest News
එම තීන්දුව පක්ෂයේ මාධ්ය ප්රකාශක ලෙස පාර්ලිමේන්තු මන්ත්රී එම්. ඒ. සුමන්තිරන් මහතා අද මාධ්යට පැවසු බවද එම නිවේදනයේ සඳහන් වේ.
මෙම තීන්දුව සම්බන්ධයෙන් පක්ෂයේ නායකයා ලෙස මාවෙයි සේනාධිරාජා මහතා මීට පෙර දැනුම්වත්ව සිටි බවත් අද මධ්යම කාරක සභාව රැස්වී සාකච්ඡා කළ වැඩිදුර කරුණු කාරණා පසුව ඔහුට පැවසීමට සිටි බවත් මහ ලේකම්වරයා වැඩිදුරටත් එම නිවේදනයේ සඳහන් කර තිබේ.
කෙසේ වෙතත් ඊයේ (01) පස්වරුවේ පැවති මාධ්ය සාකච්ඡාවක් අමතමින් ඉලංගෙයි තමිල් අරසු කච්චි මාධ්ය ප්රකාශක පාර්ලිමේන්තු මන්ත්රී එම්. ඒ. සුමන්තිරන් මහතා පැවසුවේ ඉදිරි ජනාධිපතිවරණයේදි සමගි ජන බලවේගයේ ජනාධිපති ධුර අපේක්ෂක සජිත් ප්රේමදාස මහතාට සහාය එම පක්ෂයේ මධ්යම කාරක සභාව තීරණය කළ බවය.
එම පක්ෂයේ මධ්යම කාරක සභාව අද වව්නියාවේ දී රැස් වී පැය 5කට ආසන්න කාලයක් පැවති සාකච්ඡාවකින් අනතුරුව එම තීරණය ගෙන තිබුණි.
මාවෙයි සේනාධිරාජා යනු පසුගිය පාර්ලිමේන්තු මහමැතිවරණයේදී තරග කොට පරාජයට පත්වූ අපේක්ෂකයෙකි. ඔහුට උතුරේ ජනප්රසාදයද නොමැත.
තමිල් අරසු කච්චි පක්ෂය සජිත් ප්රේමදාස මහතාට සහාය පළ කිරීමත් සමග මාවෙයි සේනාධිරාජා මහතා එම පුවත නොදන්නා බවට වූ පුවතට ඊයේ දිනයේදී ජනාධිපතිවරයාගේ පාර්ශ්වයෙන් විශාල ප්රසිද්ධියක් ලබා දී තීබිණ.
