ලංකා වෙළෙඳ කාර්මික සහ පොදු කම්කරු සංගමයේ නියෝජ්ය ප්රධාන ලේකම්, ප්රවීණ රංගන ශිල්පී පීටර් ඩි අල්මේදා මහතා සිරස රූපවාහිනියේ ‘ජාතික මෙහෙවර’ වැඩසටහන අතරතුර වත්මන් ජනාධිපතිවරයා පිළිබඳ සිය මතය ඉදිරිපත් කළේය. පහත පළවන්නේ අල්මේදා මහතා දැක්වූ අදහස්ය. (Sri Lanka Latest News)
ප්රශ්නය – අලුත් ජනාධිපතිවරයා ගැන ඔබට මොන වගේ අදහසක්ද තියෙන්නේ?
මගේ අදහස, එයාගේ ඉතිහාසයක් තියෙනවනේ. ඒ ඉතිහාසය සාර්ථක ඉතිහාසයක් නෙවෙයි. එයා අගමැති වෙලා හිටියා අවස්ථා පහකදී. අපි රස්සාවකට යනකොට වුණත් අහන්නේ අන්තිමට කරපු රස්සාව මොකක්ද කියලානේ. ජනාධිපති වෙන්න සම්මුඛ පරීක්ෂණයක් තිබ්බොත් අහනවා, ඔයා අන්තිමටම මොනවද කළේ කියලා. අන්තිමට මගේ පක්ෂය නැතිවෙලා, විනාශ වෙලා, එක ආසනයක්වත් නැතුව, ජේ.ආර්.ගේ මේ දැවැන්ත යූ.ඇන්.පී. පක්ෂය නැතිවෙලා, කවුරුවත් නෑ පාර්ලිමේන්තුවේ, බෝනස් සීට් එකෙන් මම ආවා. ඉතින් එයාවද සම්මුඛ පරීක්ෂණයෙන් ඔයා පත්කරන්නේ ඔයාගේ කොම්පැනියේ නායකයා විදියට? ඊට වඩා දෙයක් මට කියන්න අවශ්ය නෑ. නමුත් එයා දැන් කවුරු වෙනුවෙන්ද පෙනී සිටින්නේ? රට වෙනුවෙන්ද? රට වෙනුවෙන් පෙනීසිටිනවා නම් ඉස්සෙල්ලාම රට වට්ටපු මිනිස්සු අයින් කරන්න ඕනේ. නමුත් ඒක නෙවෙයි එයා කරන්නේ. ඒගොල්ලන්ව ආරක්ෂා කරන එක තමයි එයාගේ මූලික අවශ්යතාව. එතකොට ඒගොල්ලෝ දැන් ෂේප්.
එක උදාහරණයක් කිව්වොත් මෙයා කියනවානේ ආයෝජනය ගැන. ආයෝජකයෝ ආවා ලංකාවට. මම හිතන්නේ ටායිසෙයි කොම්පැනිය. ඒගොල්ලෝ ආයෝජනය කරන්න ආවා. ජපානයේ තානාපති කිව්වා අපේ සමාගමෙන් ඇමැතිවරයෙක් අල්ලස් ඉල්ලුවා කියලා. ඉතින් ජපානයේ තානාපති කිව්වේ. මොකක්ද කළේ? ගෝඨාභය ඒ දවස්වල හිටියා. ඒ ඇමැතිව අයින් කළා. මේ ජනාධිපතිවරයා මොකද කළේ? ඇවිල්ලා කිව්වා අපි කොමිසමක් පත්කරනවා කියලා. කොමිසමක් පත්කරලා කිව්වා අයියෝ මෙයා එහෙම දෙයක් කළේ නෑ කියලා. එතකොට ජපාන තානාපතිට කනේ පාරක් ගැහුවා වගේ වැඩක්. ජපාන ආණ්ඩුව බලාගෙන ඉන්නවා. ජපානයේ සංස්කෘතිය අනුව ඒගොල්ලෝ කලබල වෙන්නේ නෑ. ඒගොල්ලෝ බලාගෙන ඉන්නවා හරි, උඹ අපිට පෞද්ගලිකව කනේ පාරක් ගැහුවේ. එයා රට හදනවා නම් එයා කියන්න ඕනේ ජපන් තානාපතිට එහෙම දූෂණයක් වුණාද? ජපන් තානාපති පිස්සු කෙළින්නේ නෑනේ. ඒ අනුව ඔයා වගේ මිනිහෙක් නම් මම පත් කරන්නේ පේනවනේ රට ආරක්ෂා කරන්නද එයා ඇවිල්ලා ඉන්නේ? දූෂණය. ඒ අනුව ජපානය මොකක්ද කළේ ජනාධිපති පාර්ලිමේන්තුවට ඇවිල්ලා කිව්වා මේ අපේ ණය හිමිකරුවන්ගේ සාකච්ඡාවක් යනවා, ජපානය දැන් ඉදිරිපත් වෙලා තියෙනවා කියලා. පැයක් ඇතුළත ජපාන ආණ්ඩුවෙන් කිව්වා අපේ නම් එහෙම කිසිම ප්ලෑන් එකක් නෑ කියලා. ඒගොල්ලෝ උපකල්පනය කරනවා ඇති කියලා. ඉංග්රීසියෙන් ලස්සනට කිව්වා That must be their wishful thinking කියලා. ‘ඒගොල්ලෝ හිතනවා ඇති මෙහෙම දෙයක්’ කියලා. ඔන්න දැක්කද දුන්නා Return එක. දැන් ජපානෙත් එක්ක සාකච්ඡා කරන්න යන්නනේ හිටියේ. විශාල ණය හිමිකරුවෙක්නේ ජපානය. ඉතින් වැඩකාරයා කිව්වට පේනවා නේද? මේ වගේ ප්රාථමික දෙයක් කරනවද? පාර්ලිමේන්තුවේදී මෙහෙම කියලා ජපාන ආණ්ඩුවෙන් කියනවා නම් පැයකින් මොන වගේ ජාත්යන්තර පිළිගැනීමක්ද තියෙන්නේ එයාට? ජනාධිපති කෙනකුට කියනවා නම් පැයක් ඇතුළත. මේක මිථ්යාවක්.
අපේ මධ්යමපාන්තිකයන් තමයි සාමාන්යයෙන් සලකන්නේ ලොකු හැකියාවක් තියෙන එක්කෙනෙක් කියලා. එහෙම හැකියාවක් නෑ. ඒ සාකච්ඡා තිබිලත් නෑ. මොකද කපාගන්න තියෙනවනේ ණය. අපට කියලා නෑ අයි.එම්.එෆ්. එකෙන් ණය කොච්චර කපාගන්න ඕනෙද කියලා. හැබැයි හැම එක්කෙනාම පිළිගන්නේ එක ණය ප්රමාණයක් කපාගන්න. පෞද්ගලික ණය හිමිකරුවන් ජපානය, පැරිස් ක්ලබ්, ඉන්දියාව, චීනය. ඒගොල්ලෝ තාම ඒ සාකච්ඡා පටන් අරගෙනවත් නෑ. ඉතින් මොකක්ද මෙයාගේ ලොකු හැකියාව? අපිට විශ්වාසයක් නෑ මෙයා රට ගොඩදායි කියලා.
