‘‘ජනතා විමුක්ති පෙරමුණ විවාදයට තනිවම දිනයක් දා ගෙන සමගි ජන බලවේගය විවාදයට සහභාගි වෙන්නේ නෑ කියලා සමාජ මාධ්ය ජාලාවල විශාල ප්රචාරයක් ගෙන යනවා. විවාදය පැවැත්වීම සම්බන්ධයෙන් දිනයක් වේලාවක් යොදා ගැනීමට හමුවෙලා සාකච්ඡා කරමුයි කියලා සමගි ජනබලවේගය විසින් ජනතා විමුක්ති පෙරමුණට ලිඛිතව දැනුම් දුන්නා. නමුත් ඒ කිසිවකට ජනතා විමුක්ති පෙරමුණෙන් ප්රතිචාරයක් නෑ. ඒ වගේම මේ සඳහා මැදිහත්වෙන ලෙස නීතිඥ සංගමයටත් ආරාධනා කළා. මේ කිසිවකට ඔවුන් ප්රතිචාරයක් මේ වනතුරු දක්වලා නෑ.Sri Lanka Latest News
මාධ්ය හමුවේදී අදහස් දැක්වූ පාර්ලිමේන්තු මන්ත්රී නලින් බණ්ඩාර මහතා මෙසේද පැවැසීය.
ජනතා විමුක්ති පෙරමුණ මැයි 20 ට පෙර විවාදය පැවැත්විය යුතුයි කියලා බොරුවට සමාජ මාධ්ය වල කෑ ගහනවා. සමාජ මාධ්ය වල විවාද කරන්න බෑ නේ.
මුලින්ම සමගි ජනබලවේගයේ ආර්ථික කමිටුව සහ ජාතික ජනබලවේගයේ ආර්ථික කමිටු අතර විවාදය පවත්වමු කියලා අපි යෝජනා කළා. නමුත් ජනතා විමුක්ති පෙරමුණ එහිදී පැවැසුවා මුලින් පක්ෂ නායකයන් දෙපළ අතර විවාදය පවත්වමු කියලා. ඒ අවස්ථාවේ සමගි ජනබලවේගය ජාතික ජනබලවේගයට දැනුම් දුන්නා නායකයන් අතර විවාදයට සහ ආර්ථික කමිටු අතර විවාදයට සූදානම් කියලා.
විවාදය සඳහා දිනයක් යොදා ගැනීමට ස්වාධීන ආයතනයක් තෝරාගත් පසු එම ආයතනය සමඟ කටයුතු කරන්න නොහැකි බව ජාතික ජන බලවේගය ප්රකාශ කළා. මේ ආකාරයට විවාදය මගහැරපු පිරිස එක විවාදයක් සඳහා දින යොදාගෙන බොරුවට කෑ ගහනවා. සමගි ජනබලවේගය පැවසුවා විවාදය මැයි මාසය ඇතුළත පවත්වන්න සූදානම් කියලා. 20 ට පෙර විවාදය පවත්වමු කියලා ජනතා විමුක්ති පෙරමුණ කියන්නේ 20 න් පස්සේ අනුර දිසානායක රට සවාරියක් යන්න සූදානම් වෙලාද දන්නැ ඉන්නේ.
සමගි ජනබලවේගය විවාද දෙක සඳහාම සුදානම්. ඒ සඳහා එකවර දින යොදාගන්න අවශ්යයි. විවාද දෙකම මැයි මාසය තුළ පවත්වමු. ජනතා විමුක්ති පෙරමුණ විවාදය සම්බන්ධිකරණය සඳහා පත් කළ නලින්ද ජයතිස්සට මාව හමුවෙන්න බැරිනම් මම ජවිපෙ කාර්යාලයට එන්නම් නලින්දව හමුවෙලා මේ ගැන සාකච්ඡා කරන්න.
මේ විවාද දෙකම පැවැත්තුවොත් රටේ ජනතාව දැන ගන්නවා කයියනායකලාගේ කයිය විතරයි තියෙන්නේ වැඩපිළිවෙළක් නෑ කියලා. ජනතා විමුක්ති පෙරමුණට සියලු දේ සඳහා ඉන්නේ සුළු පිරිසක්. ඒ නිසා තමයි ඔවුන් මේ විවාද වලින් පලා යන්න විවිධ කතා කියන්නේ.
ඒ වගේම ඉන්දියානුව සහ ලංකාව පාලමකින් , ඉන්දන නලයකින් , විදුලි රැහනකින් , බද්ද කරන්න යනවා කියලා සමාජයේ කතාකාවතක් ඇති වෙලා තිබෙනවා. මම නම් කියන්නේ බද්ද වෙන්න ඕන කියලා. හැමදාම දූපත් මානසිකත්වයෙන් හිටපු නිසා තමයි ලංකාව විනාශ වුණේ. ඉන්දියාව සමඟ ලංකාව බද්ද විය යුතුයි. අදානිලා අම්බානිලා එන්න ඕන. ඉන්දියාවේ ආයෝජකයන් ලංකාවට ගෙන්න ගන්න ඕනි. ඉන්දියානු විරෝධයකින් අපි කටයුතු නොකළ යුතුයි. ලෝකය සමඟ අපි බද්ද විය යුතුයි. සමගි ජනබලවේගයේ ආර්ථික වැඩපිළිවෙළ එයයි.
ලෝකය සමඟ එකතුවෙලා රටේ ආර්ථිකය ශක්තිමත් කළ යුතුයි. සමගි ජනබලවේගය විශ්වාස කරන්නේ සමාජ වෙළඳපොල ආර්ථිකය සහ මානුෂීය ධනවාදය. පොඩි මනුස්සයා රැක ගනිමින් , පොඩි මනුස්සයාගේ ආර්ථිකය ශක්තිමත් කරමින් රට ඉදිරියට ගෙන යා යුතුයි. සමගි ජනබලවේගය රජයක් තුළින් ආයෝජන ලංකාවට ගෙන එන ලෙස ලෝකයේ සිටින ආයෝජකයන්ට ආරාධනා කරනවා. ඒ වගේම ඔවුන්ට අවශ්ය පහසුකම් සපයනවා.‘‘
