තමා පාසල්වලට යන විට බඩු බෙදා මේ රටේ ප්රශ්න විසදන්න බැහැ යනුවෙන් කයිවාරුකාර නායකයෝ කියන බවත් තමා බෙදන්නේ මත්පැන්, මත්ද්රව්ය, දුම්වැටි නොව පරිගණක, සුහුරු පුවරු, ශබ්දකෝෂ, සහ නර්තන ඇඳුම් ලබා ගැනීමට මුදල් බවත් රටේ ඇති අධ්යාපනයේ බෙදීම නතර කිරීමට නම් උපකරණ ආදිය බෙදා දිය යුතු බවත් එසේ බෙදන විට වැඩබැරි කයිය නායකයෝ තමාට මඩ ගහන බවත් විපක්ෂ නායකවරයා පැවසීය. (Sri Lanka Latest News)
බෙදන මෑන්, බස් මෑන්, කොම්පියුටර් මෑන්, ස්මාර්ට්බෝඩ් මෑන් ආදී ඕනෑ ම නමක් පටබැන්දත් මේ බෙදන මෑන් ම මේ රටේ ජනතාව දුකින් මුදවා ගැනීමට කටයුතු කරන බවත් විපක්ෂ නායකවරයා පැවසීය. එමෙන්ම තමාට මෙම නම් පට බදින්නේ දේශපාලන ඊර්ෂයාව නිසා බවත් වැඩ බැරි කයිය නායකයෝ තමන්ට ලැබෙන මුදල් උපයෝගී කර ගෙන ඔලුගෙඩි පෙන්වා ජනප්රිය වීමට උත්සාහ කරන බවත් බස්වලින් සෙනග ගෙන්වා ඔලුගෙඩි පෙන්වා රට දිනවන බලවේග ඔවුන් යැයි කිව්වත් රට දිනවිය හැකි බලවේග වන්නේ දැනුම, බුද්ධිය, නව තාක්ෂණය බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අනුරාධපුර මැදවච්චිය මහදිවුල්වැව විද්යාලයට සක්වල සුහුරු පන්ති කාමර වැඩසටහනේ 191 වැනි අදියර යටතේ රුපියල් 1,177,000 වටිනා සුහුරු පන්ති කාමරයක් පරිත්යාග කිරීමේ අවස්ථාවට එක්වෙමිනි. මෙහි දී පාසලේ නර්තන කණ්ඩායම සඳහා ඇඳුම් සපයා ගැනීමට පාසල් සංවර්ධන අරමුදලට රුපියල් ලක්ෂයක මුදලක් ද පරිත්යාග කළේය.
අද බොහෝ දෙනකුට කොළඹට කිරි ගමට කැකිරි සංකල්පය අමතක වී ඇති බවත් තරුණ අසහන කොමිෂම මඟින් ද මෙය අනාවරණය කළ බවත් ඒ සංකල්පය අදටත් ක්රියාත්මක බවත් අදටත් ග්රාමීය පාසල්වලට ලැබෙන්නේ කුඩම්මාගේ සැලකිල්ල බවත් විපක්ෂ නායකවරයා මෙහි දී පැවසීය.
රටේ පාසල් නවීකරනය කර අධ්යාපන ක්රමය වෙනස් කිරීමට උත්සාහ කරන විට අන්තවාදී සමාජවාදීන් මහපාරට බැසිය හැකි බවත් සමාජ සාධාරණත්වය ගැන කයිවාරු ගහන අන්තවාදී සමාජවාදීන්ගේ දරුවන් ඉගෙනුම ලබන්නේ ජාත්යන්තර පාසල් පෞද්ගලික විශ්වවිද්යාවල බවත් රට ජාතිය කියමින් කෑ ගහන මේ අය තමන්ගේ දරුවන්ට ඉහළ අධ්යාපනයක් ලබා දෙමින් රටේ දරුවන්ට හිමි වරප්රසාද අහිමි කරන බවත් විපක්ෂ නායක සජිත් ප්රේමදාස මහතා මෙහි දී පෙන්වා දුන්නේය.
සමගි ජන බලවේගය විසින් ක්රියාත්මක කරන හුස්ම වැඩසටහන යටතේ මේ වන විට රෝහල් 60කට රුපියල් ලක්ෂ 1832ක් වටිනා ඖෂධ සහ රෝහල් උපකරණත්, සක්වල බස් රථ වැඩසටහන යටතේ පාසල් 87 ක් සඳහා රුපියල් ලක්ෂ 50ක් වටිනා බස් රථ 87ක් ලබා දී ඇති අතර ඒ සඳහා රුපියල් ලක්ෂ 4242ක් ද සක්වල තොරතුරු තාක්ෂණ වැඩසටහන යටතේ පාසල් 191ක් සඳහා සුහුරු පන්ති කාමර උපකරණ ලබා දී ඇති අතර ඒ සඳහා රුපියල් ලක්ෂ 2114ක් වැය කර තිබේ.
