ලංකාවේ දේශපාලන ඉතිහාසයේ පළමු වරට ඡන්දයකදී විවාදයකට අභියෝග කරනු ලැබුවේ 2005 ජනාධිපතිවරණයේදීය. යූ.ඇන්.පී. ජනාධිපති අපේක්ෂක රනිල් 2005 දී එක්සත් ජනතා නිදහස් සන්ධාන අපේක්ෂක මහින්ද රාජපක්ෂට පළමු වරට විවාදයකට අභියෝග කළේය. රනිල් වෙනුවෙන් විවාදයට අවශ්ය පහසුකම් සකස් කිරීම බාර වූයේ එවක යූ.ඇන්.පී. මන්ත්රී මිලින්ද මොරගොඩටය. රනිල් මහින්දට අභියෝග කිරීමෙන් පසු මිලින්ද විවාදයට අවශ්ය පහසුකම් සකස් කරන්න මහින්ද නම්කළ ඩලස් අලහප්පෙරුම සමග ලිපි හුවමාරු කරගත්තේය. මිලින්ද පළමු ලිපියෙන් දැනුම් දුන්නේ මහින්දට පහසු දින කීපයක්, මහින්ද කැමැති ස්ථානයක්, විවාදය සජීවීව විකාශය කරන්න මහින්ද කැමැති මාධ්ය ආයතනයක් නම්කර එවන ලෙසය. ඉන් පසු ඔහු රනිල් සමග සාකච්ඡා කොට දිනය, ස්ථානය සහ මාධ්ය ආයතනය පිළිබඳ එකඟතාවකට පැමිණිය හැකි බවය. එහාට මෙහාට ලියුම් හුවමාරු වී කල්ගත වීමෙන් පසු දෙපාර්ශ්වයේ එකඟතාවයෙන් විවාදය නොකරන්න තීරණය කළහ.Sri Lanka Latest News
ඉන්පසු යූ.ඇන්.පී. ජනාධිපති අපේක්ෂක සජිත් ප්රේමදාස 2019 ජනාධිපතිවරණයේදී පොදුජන පෙරමුණු අපේක්ෂක ගෝඨාභයට විවාදයකට එන ලෙස අභියෝග කළේය. ඒ අභියෝගයට ගෝඨාගෙන් උත්තරයක්වත් ලැබුණේ නැත.
මේ ජනාධිපතිවරණයකදී විවාදවලට අභියෝග කරන සහ අභියෝග පිළිගන්නා ක්රමයය.
දැනට කලකට පෙර සමගි ජන බලවේගයේ ආර්ථික කවුන්සිලය ජ.වි.පෙ. ආර්ථික කවුන්සිලයට අභියෝගයක් කළේය. එනම් ආර්ථික ප්රතිපත්ති ගැන විවාදයකටය. මේ විවාදයට උත්තර නොදී කාලයක් සිට ජාතික ජන බලවේගයේ ආර්ථික කවුන්සිලයේ සාමාජික සුනිල් හඳුන්නෙත්ති, පුළුවන් නම් ජ.වි.පෙ. සහ ජා.ජ.බ. නායක අනුර කුමාර සමග සජිත්ට විවාදයකට එන ලෙස අභියෝග කළේය. සුනිල් හඳුන්නෙත්ති ඒ අභියෝගය කොට සුළු වේලාවකින් ජ.වි.පෙ. වෙබ් අඩවියේ පළවූයේ ස.ජ.බ. ආර්ථික කවුන්සිලය ජා.ජ.බ. ආර්ථික කවුන්සිලයට විවාදයකට ආරාධනා කරන්න ගොස් තමාව අමාරුවේ දැම්මා යැයි සජිත් ස.ජ.බ. ආර්ථික කවුන්සිලයේ හර්ෂලාට, එරාන්ලාට, කබීර්ලාට දොස් කියන බවය. සාමාන්යයෙන් පක්ෂවලට මඩ නොගසන ජා.ජ.බ. මන්ත්රී හරිනිද කීවේ හර්ෂලා එරාන්ලා සජිත්ව අමාරුවේ දැම්මා කියාය.
මෙයින් පැහැදිලිව පේන්නේ ස.ජ.බ.යේ ආර්ථික කවුන්සිලයේ අභියෝගයට බයේ ජා.ජ.බ.ය විවාදය අනුර සහ සජිත් අතර විය යුතු යැයි කිවේ සජිත් අනුර එක්ක විවාද කරන්න බය යැයි හිතලාය. සුනිල් හඳුන්නෙත්ති සජිත්ට අභියෝග කොට පැයක් යන්නට මත්තෙන් එය මාධ්යයෙන් දැක සජිත් අභියෝගය බාරගත්තේය. ඉන් පසු ලංකාවේ ප්රධාන මාධ්ය ආයතන වන සිරස, හිරු සහ දෙරණ සජිත් – අනුර විවාදය සජීවීව විකාශය කරන්න කැමැත්ත පළ කළහ.
ඉන් පසු සුනිල් හඳුන්නෙත්තිව හොයාගන්නත් බැරි විය. සජිත්ට අභියෝග කළ සුනිල් හඳුන්නෙත්ති මාධ්යයට වහං විය. අනුර කුමාර තමන් සජිත් සමග විවාද කරන්න සූදානම් කියලා වචනයක්වත් කීවේ නැත. එක් වරම සජිත්ට හැමදාම මඩ ගහන රනිල්ගේ මස්සිනා වූ යූ.ඇන්.පී. නියෝජ්ය නායක රුවන් විජයවර්ධනගේ ‘ඩේලි මිරර්’ පුවත්පත අනුර, සජිත් සහ රනිල් අතර විවාදයක් කරමු කියලා යෝජනා කළේය. හරිනි පැනලා ඒ විවාදයට ජා.ජ.බ.ය කැමැති යැයි කීවාය. මේ වනවිටත් විවාදය සම්බන්ධීකරණය කරන්න සජිත් මන්ත්රී නලින් බණ්ඩාරව නම්කර තිබිණි. ජා.ජ.බ.ය ඔහුට කතා නොකර විවාදයට මැයි මාසයේ දින කීපයක් දී, ඒ දිනවලට විවාදයට එන්නේ නැතිනම් නැහැ කියන්න යැයි ටිල්වින් සිල්වා ස.ජ.බ.යට ලිපියක් ලීවේය.
විවාදයක් ඕනෑ නම් ජා.ජ.බ.ය කවදාවත් දින දීලා ‘එනවා නම් එන්න, බැරිනම් කියන්න’ කියලා තම ප්රතිවාදියාට ලියුම් ලියන්නේ නැත. අභියෝග කළේ ඔවුන්ය. එසේ නම් ඔවුන්ගේ අභියෝගය බාරගත් ප්රතිවාදියාගෙන් පළමුව ඔහුට පුළුවන් දින, ස්ථාන සහ මාධ්ය ගැන විමසා සිටිය යුතුය. ලෝකයේම විවාද සඳහා පිළිගත් සම්ප්රදාය එයය. ටිල්වින් ඒ ලියුම යැව්වේම එපා වාහෙට හොදි බෙදන්නා වාගේය. ගමේ නම් කියන්නේ වැලමිටෙන් අල්ලලා ගෙදරට ගොඩවැදිලා යන්න කියන්නා වගේය. නොකියා කියන්නේ එන්න එපා කියලාය.
ටිල්වින් ලියුම ලිව්වෙත් එසේය. හැබැයි ස.ජ.බ.ය එම ලිපියට වහා උත්තර යවා ඒ දිනවල දුෂ්කර බවත්, දින කතාකර ගන්න පාර්ලිමේන්තුවේ හමුවෙමු යැයි ඉල්ලීමක් කළේය. ජා.ජ.බ.ය ඒ හමුවට ආවේත් නැත. විවාදය සම්බන්ධීකරණය කිරීම ජා.ජ.බ.ය ප්රතික්ෂේප කරන නිසා විවාදය සම්බන්ධීකරණය කිරීම නීතිඥ සංගමයට පවරන්න ස.ජ.බ.ය හොඳ යෝජනාවක්ද ගෙන ආවේය. ජා.ජ.බ.ය ඒ යෝජනාවට ප්රතිචාරයක්වත් දැක්වූයේ නැත. ජා.ජ.බ.ය ප්රතිචාර දැක්වූවා නම් නීතිඥ සංගමය ඒ යෝජනාව බාරගැනීමට ඉඩ තිබිණි.
නලින් බණ්ඩාර ජා.ජ.බ.යට විවාදය සම්බන්ධව ලියපු ලිපියේ සඳහන් කළේ ආර්ථික කවුන්සිල දෙක අතර විවාදයත්, අනුර – සජිත් විවාදය සඳහා වෙනත් දිනයක් යොදාගෙන පැවැත්විය යුතු බවය. ස.ජ.බ. ආර්ථික කවුන්සිලය ජා.ජ.බ. ආර්ථික කවුන්සිලයට අභියෝගයක් කළේය. ජා.ජ.බ.ය සජිත්ට අභියෝගයක් කළේය. සජිත් අභියෝගය බාරගත්තේය. එසේ නම් ජා.ජ.බ.ය, ස.ජ.බ.යේ අභියෝගයත් බාරගත යුතුය. ඒ ගැන ජා.ජ.බ.ය වචනයක්වත් කියන්නේ නැත. සජිත් එක්ක විකල්ප දින ගැන සාකච්ඡා කරන්න එන්නේත් නැත. එසේ නොකොට රනිල්ගේ මස්සිනා වන යූ.ඇන්.පී. නියෝජ්ය නායක රුවන්ගේ ‘ඩේලි මිරර්’ පත්තරය විවාදයට එවපු ලිපියට ටිල්වින් සිල්වා පැනලා ‘හා’ කීවේය. ඒ, රනිල්ගේ මස්සිනාගේ පත්තරය තමන්ට මඩ ගහනවා යැයි සජිත් ප්රකාශයක් කොට පැය 24ක් ගතවීමට පෙරය. ඒ කියන්නේ සජිත් සහ ‘ඩේලි මිරර්’ පත්තරය අතර තියෙන ගැටුම දැන දැන ‘ඩේලි මිරර්’ පාලනය කරන්නේ යූ.ඇන්.පී. නියෝජ්ය නායකයා බව දැන දැන ටිල්වින් ඒ විවාදයට කැමැති වූයේ සජිත් හීනෙන්වත් ඒ පත්තරය සංවිාධාන කරන විවාදයකට නොයන බව දැනගෙනය. ඒ මදිවාට ටිල්වින් ඒ ලිපියෙන් විවාදය සජිත් සහ අනුර අතර නොව, සජිත්, අනුර සහ රනිල් අතර පැවැත්විය යුතු බවත් පිළිගෙන ඇත.
‘ටිල්වින්ට දැන් රනිල් නැතුව බැරිද…?’
සජිත් – අනුර විවාදය විකාශය කරන්න සිරස, හිරු, දෙරණ කැමැති යැයි කියද්දී ‘හ්ම්’ නොකියපු ටිල්වින් රනිල්ගේ මස්සිනාගේ පත්තරේට පැනලා ‘හා’ කීවේ ජ.වි.පෙ. සජිත්ව ඉවර කරන්න රනිල්ගේ පිහිට පතන බවත්, රනිල් සජිත්ව ඉවර කරන්න ජ.වි.පෙ. පිහිට පතන බවත් මොනවට පෙන්වමින්ය.
2010ට පසු රනිල්-සජිත් ගැටුම ගටන්ගත්තාට පසු ජ.වි.පෙ. උදව් කළේ රනිල්ටය. ජ.වි.පෙ. සහ රනිල් අතර කපුකම කළේ මංගල සහ මලික්ය. 2020 මහ ඡන්දයෙන් පරදීය යන බියෙන් සජිත් සමග ප්රශ්න හදාගෙන මංගල ස.ජ.බ.යෙන් ඉවත්වී කීවේ මාතර තමාට දෙන ඡන්දය ස.ජ.බ.යට නොදී හඳුන්නෙත්තිට දෙන්න කියාය. ඒත් හඳුන්නෙත්ති පරාජයට පත්විය. 2020 සජිත් විපක්ෂ නායක ධුරයට පත්වී ආර්ථික අර්බුදය පටන්ගත් විට ඡන්දයක් ඕනෑ යැයි කියද්දී අනුර කුමාර කීවේ විපක්ෂ නායකයාගේ ඔළුව පරීක්ෂා කරන්න ඕනෑ කියාය. අනුර එහෙම කීවේ අලුත්ගමගේලා, රෝහිතලා, තිස්සකුට්ටිලා සජිත්ට පාර්ලිමේන්තුවේ ‘පිස්සා’ කිය කියා බණිද්දීය.
රනිල් පාර්ලිමේන්තු එන්න තීරණය කළ විට හඳුන්නෙත්ති සහ ලාල්කාන්ත කීවේ සජිත් විපක්ෂ නායකකම හරියට කරන්නේ නැහැ, රනිල් සජිත්ට වඩා දක්ෂ විපක්ෂ නායකයෙක් බවය. රනිල් අනිවාර්යයෙන්ම පාර්ලිමේන්තුවේ සිටිය යුතු මිනිසෙක් යැයි ඔවුන් මාධ්යවලට කියමින් රනිල්ගේ පැමිණිම සාධාරණීකරණය කළේය.
රනිල්ට පාර්ලිමේන්තු එන්න බල කළේ රාජපක්ෂලාය. රනිල් පාර්ලිමේන්තු ඒම සාධාරණීකරණය කළේ ජ.වි.පෙ.ය. රනිල්ට ජනාධිපති වෙන්න ඡන්දය දුන්නේ රාජපක්ෂවරු සහ පොහොට්ටුවය. ඒ වෙලාවේ ඡන්දය කුරුටු ගාලා රනිල්ට දිනන්න හයිය දුන්නේ ජ.වි.පෙ.ය.
රනිල්ට රාජපක්ෂලා නැතුව බැරිය.
රාජපක්ෂලාට රනිල් නැතුව බැරිය.
ජ.වි.පෙ.ට රනිල් නැතුව බැරිය.
රනිල්ට ජ.වි.පෙ. නැතුව බැරිය.
ලංකාවේ දේශපාලන චක්රය කැරකෙන්නේ ඔන්න ඔය ගණිතයටය.
