අද (14) විපක්ෂ නායක කාර්යාලයේ පැවති මාධ්ය හමුවට සහභාගි වෙමින් පාර්ලිමේන්තු මන්ත්රී ආචාර්ය හර්ෂ ද සිල්වා මහතා අදහස් දැක්වීය.Sri Lanka Latest News
ආචාර්ය හර්ෂ ද සිල්වා මහතා මෙසේ පැවැසීය.
‘‘ශ්රේෂ්ඨාධිකරණයේදී එකඟවුණ කාරණා මාර්ගගත ක්රමවල සුරක්ෂිතභාවය පිළිබඳ පනතට ඇතුළත් කරන බව කිව්වට ඒ ආකාරයෙන් සිදුවෙලා නෑ කියලා
මානව හිමිකම් කොමිසමෙන් පෙන්වා දී තිබෙනවා. කතානායකවරයා මාර්ගගත ක්රමවල සුරක්ෂිතභාවය පිළිබඳ පනතට අත්සන් කළාට පසුව පනතේ තිබෙන වගන්ති වැරදියි කියලා ශ්රේෂ්ඨාධිකරණයට යාමට හැකියාවක් නෑ. ඒ වගේම පනතේ වගන්ති කිහිපයක් සංශෝධනය විය යුතු බව අධිකරණ ඇමැතිවරයා පාර්ලිමේන්තුවේද පිලිගත්තා. මාර්ගගත ක්රමවල සුරක්ෂිතභාවය පිළිබඳ පනතට කැබිනට් මණ්ඩලයේදී සංශෝධන ගෙනාවා කියලා ආරංචි වෙනවා. නමුත් අපි දන්නේ නෑ මොන වගේ සංශෝධනද ගෙනාවේ කියලා. නමුත් මාර්ගගත ක්රමවල සුරක්ෂිතභාවය පිළිබඳ පනතින් කරන්න යන්නේ සමාජ මාධ්ය මර්දනය කිරිම.
ආණ්ඩුව විකාශන අධිකාරි පනත ගේන්න උත්සහ කරනවා. බලපත්ර තිබෙන මාධ්ය නාලිකා වල බලපත්රය අවුරුද්දකට සැරයක් අලුත් කරන්න විකාශන අධිකාරියට බලය ලබාදීම තමයි විකාශන අධිකාරි පනතින් කරන්නේ. මාර්ගගත ක්රමවල සුරක්ෂිතභාවය පිළිබඳ පනතින් වෙබ් අඩවි පාලනය කරනවා. විකාශන අධිකාරි පනතින් මාධ්ය නාලිකා වලට ලබාදෙන බලපත්රය පිළිබඳව තීරණය කරන්න කණ්ඩායමකට බලය දෙනවා. මාධ්ය නාලිකා වල බලපත්රය ලබාදෙනවාද නැද්ද කියන තීරණය ඔවුන්ට ගන්න පුලුවන්. අසත්ය දේවල් මාධ්ය නාලිකාවල දැම්මොත් වාර්ශික බලපත්රය එම නාලිකාවට හිමිවෙන්නේ නෑ. විකාශන අධිකාරි පනත ගේන්න උත්සහ කරන අවස්ථාවේ සමගි ජනබලවේගය මේ පනතේ තිබෙන බැරැරුම් තත්ත්වය ජනතාව අතරට ගෙන ගියා. ඊට පස්සේ ආණ්ඩුව කිව්වා පනත විකාශන අධිකාරි පනත ගේන්නේ නෑ කියලා. සමාජ මාධ්ය නවත්වන්න මාර්ගගත ක්රමවල සුරක්ෂිතභාවය පිළිබඳ පනත ගෙනාවා විකාශන අධිකාරි පනත ගෙනල්ලා විද්යුත් මාධ්යවල කටවල් වහන්න ආණ්ඩුවට උත්සහ කරනවා. ‘‘
