ජනපති පසුගියදා සිදු කළ උගන්ඩා සංචාරයේදී සිදුවූ තවත් විශේෂ සිදුවීමක්ද මෙවර අප ‘රාජ්ය රහස්’ තීරයෙන් හෙළිකිරීමට සූදානම්ය. Sri Lanka Latest News
මීට පෙර අප සඳහන් කර සිටියේ ජනාධිපතිවරයා උගන්ඩාවේ රැඳී සිටින දින කිහිපය තුළ දී බොහෝ දුරට ජනාධිපතිවරයා හා අලිරාජා අතර හමුවක් සිදුවනු ඇති බවත්, එහිදී බොහෝ දුරට ටෙලිකොම් සහ ලංකා හොස්පිට්ල් විකිණීම සම්බන්ධයෙන් එහිදී සාකච්ඡා වනු ඇති බවත්ය.
නමුත් මෙවර අප මෙම තීරයෙන් අනාවරණ කරන්නේ ජනාධිපතිවරයා උගන්ඩාවේ සිටියදී අලිරාජා හමුවීමෙන් වැළකී සිටි බවය. නැතහොත් ජනාධිපතිවරයා හා අලිරාජා අතර කිසිදු හමුවක් සිදුව නැති බවය. කම්පාලා නුවර පිහිටි මහ කොමසාරිස් කාර්යාලයේ ජනාධිපතිවරයා පිළිගැනීමේ නිල උත්සවයට සහභාගි වීමට අලිරාජා දැඩි උත්සාහයක් දැරුවද ඊටද ඉඩක් ලැබී නොමැති බව මේ වන විට අපට දැනගන්නට තිබේ.
උගන්ඩා සංචාරය අවසානයේදී ජනාධිපතිවරයා වෙනම ලංකාවට පැමිණිමට පියවර ගෙන තිබූ අතර, අලිරාජා උගන්ඩා සංචාරයට සහභාගි වී සිටි අනෙකුත් මැති ඇමැතිවරුන් සමග වෙනත් ගුවන් යානයකින් ඩුබායි හරහා ලංකාවට පැමිණීමට කටයුතු කර ඇති බවක්ද ආරංචිය. අනතුරුව අලිරාජා කොළඹදී ජනාධිපතිවරයා හමුවීමට අවස්ථා කිහිපයකදීම උත්සාහ දරා තිබූ අතර, ඊටද ජනාධිපතිවරයාගෙන් වේලාවක් ලැබී නොමැති බවද දැනගන්නට ඇත.
