රජය IMF එකත් එක්ක කාර්තු 8කින් ගෙවීමට ඩොලර් බිලියන 2.9ක විස්තීරණ ණය ගිවිසුමකට ප්රවේශ වූ බවත් ඒ යටතේ කාර්තුවකට ඩොලර් මිලියන 333ක් ලැබෙන බවත් පළමු කාර්තුව ලැබුන නමුත් රජයේ දූෂණ වංචා හොරකමත් ආදායම් ඉලක්ක සම්පූර්ණ කර ගත නොහැකි වීම නිසා දෙවැනි කාර්තුව නොලැබුණත් පසුව එය ලැබුණේ වැට් බදු සහ විදුලි බිල අධික ලෙස වැඩි කිරීම නිසා බවත් විපක්ෂ නායකවරයා පැවසීය.Sri Lanka Latest News
එසේම සමගි ජන බලවේගය හොරු සහ රට බංකොලොත් කළ පුද්ගලයන් සමග ආණ්ඩු කරන්න බය වූ නමුත් වත්මන් ජනාධිපතිවරයා ඒ කිසිවකට බය නොවී එතුමාගේ වැල් පාලමෙන් රාජපක්ෂ පවුල ගොඩ ගෙන කේක් පවා කෑ බවත් ජනාධිපතිවරයා රටේ ලක්ෂ 220 අමතක කළාට සමගි ජන බලවේගය රටේ ජනතාව අමතක කරන්න සූදානම් නොමැති බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අයවැය විවාදයේ අවසන් කතාව සිදු කරමිනි.
විදුලි බිල වැඩි කර වැට් එක උපරිම ලෙස වැඩි කර මහජනතාව මරණ මංචකයට ගෙන යමින් රට බංකොලොත් කළ රාජපක්ෂ හවුල දිව්ය ලෝකයට ගෙන යන්න ජනාධිපතිවරයා කටයුතු කළ බවත් ඉදිරියේ දී ගැස් පෙට්රල් ඩිසල් මිල ඇතුළු සෑම දෙයකම මිල වැට් බදු නිසා ඉහළ ගොස් ජන ජීවිත විනාශ වුණත් ජනාධිපතිවරයාට රටේ ජනතාව ගැන කැක්කුමක් නොමැති බවත් ජනාධිපතිවරයා රාජපක්ෂවරු ඇතුළු පොහොට්ටු හොර නඩය ආරක්ෂා කරමින් සිටින බවත් බවත් විපක්ෂ නායකවරයා අවධාරණය කළේය.
