‘ලෝකයේම මහා මිනිසා’ තමන්ගේ රාජකාරි කාර්යාලයේ අසුන්ගෙන සිටියේ විරාජමාන ආකාරයෙනි. ඔහුගේ දෙපස නිලදරුවන්ද දෙතුන් දෙනෙකි. නිල ලිපිගොනු කිහිපයකට අත්සන් තැබීමට ඔහු ලක ලැහැස්ති වූවා පමණකි. මහා මිනිසාගේ පෞද්ගලික ලේකම්වරයා ඔහු අසලට මහත් කලබලයකින් මෙන් දිව ආවේය. ඔහුගෙන් දෙබස් පෙළක් ගලා එන්නට විය.
‘සර්, ඔබතුමාට කියන්න විශේෂ දෙයක් තිබෙනවා. අර ඊයේ ඔබතුමා හමුවෙලා ගිය බ්රසීලයේ රාජ්ය නියෝජිතයන් දෙදෙනාට කොරෝනා වෛරස් රෝගය වැලඳිලා කියලා එම රටෙන් දැනගන්නට ලැබුණා.’
‘එහෙමද, ඊයේ නම් ඒ අයගෙන් රෝගී තත්ත්වයක් පෙනුණේ නැහැ. කමක් නැහැ අපි පරෙස්සම් වෙලා බලමු.’ මහා මිනිසා සැහැල්ලුවෙන් කියන්නට විය. එහෙත් ඔහුගේ නළල ඔහුටත් හොරෙන් රැලි ගැසෙන හැඩක් ලේකම්වරයාට පෙනෙන්නට විය.
‘අපි සර් ඔබතුමාගේ වෛiවරයාට මේ ගැන ඉක්මනින් කියමු. එතකොට ආරක්ෂාවට හොඳයි’ ලේකම් තැන කියන්නට විය. මේ අපූරු වගතුගේ ‘මහා මිනිසා’ කවුද? ඔහු අප කවුරුත් හඳුනන ඇමෙරිකානු ජනාධිපති ඩොනල්ඞ් ට්රම්ප්ය. මෙයට දින කිහිපයකට ඉහතදී ඔහුට මෙම තිගැස්සෙන සිදුවීමට මුහුණ දෙන්නට විය. බ්රසීලයේ ජනාධිපති ජායි බොල්සනාරෝගේ විශේෂ නියෝජිතයන් දෙදෙනකු ලෙස, ඔහුගේ සන්නිවේදන ලේකම් ෆැබියෝ වජ්ගාටන් සහ බ්රසීල ජනාධිපතිගේ කාර්ය භාර නිලධාරී නෙස්ටර් ෆොස්ටර් යන උසස් රාජ්ය නිලධාරීන් දෙදෙනා ජනාධිපති ඩොනල්ඞ් ට්රම්ප් සමඟ දින දෙකක් රාජ්ය සාකච්ඡාවලට සහභාගි විය. ඩොනල්ඞ් ට්රම්ප්ගේ ෆ්ලොරිඩා නගරයේ පිහිටා ඇති සුපිරි නිවාඩු නිකේතනයක් වන මාර්-ඒ-ලාගෝ හි මෙම සාකච්ඡා සහ සුහද හමු පැවැත්විණි. මෙම බ්රසීල නිලධාරීන් දෙදෙනාට කොරෝනා රෝගය වැලඳී ඇතැයි ඔවුන් එරටට ගිය පසු දැනගන්නට ලැබිණි.
කෙසේ හෝ මෙම අවිනිශ්චිත තත්ත්වය හමුවේ ඩොනල්ඞ් ට්රම්ප් ජනාධිපතිවරයාගේ වෛiවරයා වූ ශෝන් කොන්ලේ විසින් වහා ට්රම්ප් වෛi පරීක්ෂණයකට භාජනය කළේය. දෙවියන් ට්රම්ප් ජනාධිපතිවරයා දෙස බැලුම් හෙළා ඇත. ඔහුට කොරෝනා නොහොත් ‘කොවිඞ්-19’ රෝගය වැලඳී නැතැයි නිගමනය කෙරිණි. ලෝකයේ මහ බලවතා අනූනවයෙන් බේරුණේය.
යුද්ධයකින් හෝ යම් හදිසි අනතුරකින් හෝ ජීවිතය බේරාගෙන සිටීමට යම් බලවතකුට හැකියාවක් ඇත. එහෙත් රෝගයකින් වැළකීමේ හැකියාව එවැන්නකුට ඇත්තේ අල්ප වශයෙනි. කුමන ජගතකු වුවද රෝගාබාධවලට මුහුණ දීමට ලකලැහැස්තිව සිටිය යුතුය. මේ එවැනි කතාන්දර කිහිපයකි.
Sen. Ted Cruz and Sen. Julia Brownley – – ඇමෙරිකාවේ සෙනෙට් මන්ත්රීවරුන් වන ටෙඞ් කෲස් සහ ජූලියා බ්රවුන්ලේ යන දෙදෙනාටද කොරෝනා රෝගය වැලඳී ඇත. මොවුන්ගෙන් මන්ත්රිවරයා යම් රාජකාරී සමුළුවකට සහභාගි වීමට ගොස් සිටියදී රෝගාතුරවී ඇති අතර, මන්ත්රිවරිය යම් හඳුනා නොගත් පුද්ගලයකු සමඟ වොෂින්ටන් නුවරදී හමුවීමක් සිදුකරගෙන ඇත. ඇය රෝගිවී ඇත්තේ ඉන් පසුවය.
මේ අතර, ඇමෙරිකාවේ එක්සත් ජාතීන්ගේ මූලස්ථානයටද කොරෝනා රිංගාගෙන ඇත. එනම් පසුගියදා එක්සත් ජාතීන්ගේ සමුළුවක් පැවැත්වෙන විටදී පිලිපීනය නියෝජනය කරන ලද නියෝජිත කණ්ඩායමේ එක් කාන්තාවකට කොරෝනා රෝගය වැලඳී තිබී ඇති අතර, ඇය එම රෝගී තත්ත්වය මතම සමුළු වාරවලට සහභාගිවී ඇත. මේ හෙයින් එම රැස්වීම් පැවැත්වූ ගොඩනැඟිලි විෂබීජහරණයට ලක්කර, ඉතිරි සාමාජික පිරිස් නිරෝධායනයටද ලක්කර ඇත.
Ivanka Trumph
(ඉවන්කා ට්රම්ප්)
ඇය ජනාධිපති ඩොනල්ඞ් ට්රම්ප්ගේ පළමු කසාදයේ දියණියයි. ඉවන්කා ට්රම්ප්ට කොරෝනා රෝගය වැලඳී ඇති බවට තහවුරු විය. 38 වැනි වියෙහි පසුවන ඇය ඉතාමත් රූමත් කාන්තාවක් වන අතර, වත්මන් ට්රම්ප් ජනාධිපතිවරයාගේ ජ්යෙෂ්ඨ උපදේශිකාව වශයෙන් ඇය කටයුතු කරන්නීය. කොරෝනා ආසාදිතයකු වූ ඕස්ටේ්රලියානු ස්වදේශ කටයුතු ඇමැති පීටර් ඩුටොන් හමුවී සාකච්ඡාවක් පැවැත්වීම නිසා ඉවන්කා ට්රම්ප් රෝගී තත්ත්වයට පත්වූවාය. පසුගිය මාර්තු 13 වැනිදා රෝගී තත්ත්වයට පත්වූ ඇය තම නිවෙසේ සිටම නිරෝධායන සහ ප්රතිකාර කටයුතුවලට සහභාගි වෙයි.
නඩීන් ඩොරිස් යනු එංගලන්තයේ වත්මන් සෞඛ්ය ඇමැතිනිය වන අතර, ඇයද කොවිඞ්-19 ආසාදිතයකු ලෙස හඳුනාගෙන ඇත. සෞඛ්ය ඇමැතිනිය එංගලන්තයේ අගමැති බොරිස් ජොන්සන් සමඟ සාකච්ඡා පැවැත්වීමෙන් පැය කිහිපයකට පසුව ඇය ආසාදිතයකු බවට හඳුනාගෙන ඇත. ඒ අනුව වහාම අගමැතිවරයාත්, ඔහුගේ පෙම්වතිය වන කැරී සිමොන්ස්ද වෛi පරීක්ෂණයකට ලක්කර ඇත. එහෙත් එහිදී එම දෙදෙනාටම රෝගය වැලඳී නොමැති බවට නිගමනය විය. මෙම තත්ත්වය යටතේ බි්රතාන්ය (එංගලන්ත) පාර්ලිමේන්තුවේ කටයුතු පවා දින කිහිපයකට අඩපණ විය. එංගලන්තයද කොරෝනා ආසාදිතයන් රැසක් සිටින රටක් වන අතර, මරණද වාර්තා වී ඇත. මෙවැනි තත්ත්වයක් යටතේ බි්රතාන්ය සෞඛ්ය ඇමැතිනියටත් කොරෝනා වැලඳීම ගැන කුමන කතාද?
Peter Dutton යනු වත්මන් ඕස්ටේ්රලියානු ස්වදේශ කටයුතු ඇමැතිවරයාය. ඇමෙරිකාවේ පැවැති අධිකරණ දෙපාර්තමේන්තු සාකච්ඡාවකට සහභාගි වී පැමිණීමෙන් පසුව කොරෝනා වෛරසය ශරීරගතවී තිබිණි. මාර්තු 05 වැනිදා පැවැති එම රැස්වීමෙන් පසුව ඔහු රෝගී තත්ත්වයට පත්වූයේ මාර්තු 13 වැනිදාය. එදින උදෑසන නින්දෙන් නැඟිටින විටදී ඔහුට අධික උණ සහ උගුරේ වේදනාවක් ඇති විය. ඉහත සඳහන් කළ ඉවන්කා ට්රම්ප් ආසාදිත තත්ත්වයට පත්වූයේ මෙම ඇමැතිවරයා සමඟ නිල සාකච්ඡාවලට සහභාගි වීමෙන් පසුවය.
ජායි බොල්සොනාරෝ යනු වත්මන් බ්රසීල ජනාධිපතිවරයාය. ඔහුගේ කාර්ය මණ්ඩලයේ සිටින ප්රධානතම රාජ්ය නිලධාරීන් තිදෙනකුටම කොරෝනා වෛරසය වැලඳීම හේතුවෙන් ජනාධිපතිවරයාද වහාම වෛi පරීක්ෂණයකට ලක්කරන ලදී. එහෙත් ඔහුට රෝගය වැලඳී නැති බවට හෙළි විය.
පෙඞ්රෝ සැන්චෙස් යනු ස්පාඤ්ඤයේ අගමැතිවරයාය. ඔහුගේ බිරිය වන බෙගොනා ගෝමස්ටද කොවිඞ්-19 රෝගය වැලඳී ඇත. මෙම තත්ත්වය යටතේ අගමැතිවරයාද වෛi පරීක්ෂණයකට ලක්කර ඇත. එහෙත් එහිදී හෙළිවී ඇත්තේ ඔහුට රෝගය වැලඳී නොමැති බැව්ය. යුරෝපයේ රටවල් අතරින් ඉතාලියට පසුව ඉතා ප්රබල ලෙස කොරෝනා රෝගය ඇති රට වන්නේ ස්පාඤ්ඤයයි. මෙහි කොරෝනා ආසාදිතයන් 7,000කට අධික පිරිසක් සිටිති. ස්පාඤ්ඤ අගමැති පෙඞ්රෝ සැන්චෙස් කොරෝනා රෝගය මැඬීමට විශේෂ වැඩ පිළිවෙළක් සකස් කර එය ප්රකාශයට පත්කර පැය කිහිපයකින් ආරංචි වූයේ තම බිරියටත් කොරෝනා රෝගය වැලඳී ඇති බැව්ය. මෙම අගමැති බිරියද නිවෙසේ සිටම නිරෝධායන සහ ප්රතිකාර කටයුතුවලට සහභාගි වන්නීය. කැනඩා අගමැති යුවළ මෙන්ම මෙම ස්පාඤ්ඤ අගමැති යුවළද, මෙම දින කිහිපය තුළදී ශාරීරික වශයෙන් සමීපතාවක් දක්වා නොතිබීම නිසා අගමැති සැමියන්ට කොරෝනා වැලඳුණේ නැතැයි ප්රකාශ වෙයි. එසේම ස්පාඤ්ඤ කැබිනට් මණ්ඩලයේ ඇමැතිවරුන් දෙදෙනකුටත් කොරෝනා රෝගය වැලඳී ඇත.
අයටොල්ලා අලි කමෙයිනි යනු ඉරානයේ උත්තරීතර නායකයා වෙයි. මේ වන විට ඉරානය තුළ ඉතා ප්රබල ලෙස කොරෝනා රෝගය ව්යාප්තව ඇති අතර, ඉරාන කැබිනට් මණ්ඩලයේ ප්රධාන ඇමැතිවරුන් කිහිප දෙනකුට සහ පාර්ලිමේන්තු මන්ත්රිවරුන් කිහිප දෙනකුටම කොරෝනා වැලඳී ඇත. මේ අතර, නවතම වාර්තාවලින් කියැවෙන්නේ ඉරාන උප ජනාධිපතිවරයකුටද රෝගය වැලඳී ඇති බැව්ය. මේ අනුව ඉරාන පාර්ලිමේන්තුවේ සාමාජිකයන්ගෙන් 10%ක ප්රමාණයකට කොරෝනා රෝගය වැලඳී ඇති අතර, මින් කිහිප දෙනකු මේ වන විට මියගොස් ඇති බැව්ද ප්රකාශ වෙයි. එහෙත් එම තොරතුරු සත්ය ලෙස මාධ්ය මඟින් ප්රකාශ කිරීමට ඉරාන රජය වැළකී සිටිති. මෙවැනි තත්ත්වයක් යටතේ ඉරානයේ උත්තරීතර නායක අයටොල්ලා අලි කමෙයිනි සහ ඉරාන ජනාධිපති හසන් රොහානි ද වෛi පරීක්ෂණයන්ට ලක්කිරීමට කටයුතු යොදා ඇත. ඉරාන උත්තරීතර නායකයා ප්රකාශ කර ඇත්තේ, කොරෝනා රෝගය ජීව විiාත්මක අවියක් බවත්, එයින් ඉස්ලාමික රටවල්වලද විනාශය සිදුකරන බවත්ය.
ප්රියන්ත හෙට්ටිගේ
