බ්රිතාන්ය චැනල් ෆෝ නාලිකාව පාස්කු ඉරුදින මරාගෙන මැරෙන බෝම්බ ප්රහාරය සම්බන්ධයෙන් කරන ලද වැඩසටහනෙන් එල්ල කෙරෙන චෝදනා විමර්ශන කිරීම සඳහා පාර්ලිමේන්තු විශේෂ කාරක සභාවක් පත් කරන්නැයිවූ යෝජනාවක් පාර්ලිමේන්තුවේ න්යාය පත්රයට ඇතුළත් කරනු ලැබ ඇත.Sri Lanka Latest News
ආණ්ඩු පක්ෂයේ මන්ත්රීවරුන් පිරිසක් විසින් ඉදිරිපත් කරන ලද මෙම යෝජනාව පාර්ලිමේන්තුවේදී හෙට (17) සම්මත කිරීමට නියමිතය.
ඇතැම් දේශපාලඥයන් සහ ජ්යෙෂ්ඨ හමුදා බුද්ධි අංශ නිලධාරීන් මරාගෙන මැරෙන එම බෝම්බ ප්රහාරය ක්රියාත්මක කළ ත්රස්තවාදීන් සමග සබඳතා පැවැත්වූ බවටත් එම ප්රහාරය පසුපස විශාල කුමන්ත්රණයක් පවතින බවටත් එම වැඩසටහනින් චෝදනා එල්ල කර ඇති හෙයින් ඒ පිළිබඳව විමර්ශනයක් පැවැත්වීම වැදගත් බව එම මන්ත්රීවරු මෙම යෝජනාවෙන් කියා සිටිති.
කාරක සභාවේ වාර්තාව මාස දෙකක් ඇතුළත පාර්ලිමේන්තුවට ඉදිරිපත් කළ යුතු බවටද එම යෝජනාවේ සඳහන් වේ.
මේජර් ප්රදීප් උදුගොඩ, වජිර අබේවර්ධන, ගුණතිලක රාජපක්ෂ සංජීව එදිරිමාන්න, ඩී.වීරසිංහ, සුමිත් උඩුකුඹුර, ජයන්ත කැටගොඩ ජගත් සමරවික්රම, කරුණාදාස කොඩිතුවක්කු නීතිඥ මධුර විතානගේ , සමන්ප්රිය හෙරත්, ජගත් කුමාර සුමිත්රආරච්චි, ඩී.බී හේරත්,කෝකිලා හර්ශනි ගුණවර්ධන උපුල් මහේන්ද්ර රාජපක්ෂ, උදයකාන්ත ගුණතිලක, එච්නන්දසේන, නාලක කෝට්ටෙගොඩ, කුමාරසිරි රත්නායක , සහ සී බී රත්නායක මෙම යෝජනාවට අත්සන් කළ මන්ත්රීවරු වෙති.
