පරිසර ක්ෂේත්රය සම්බන්ධයෙන් තීන්දු තීරණ ගත යුත්තේ විද්යාත්මකව බවත් එහිදි සතා සිව්පාවා ගහ කොළ මෙන්ම මානව සම්පත ගැන දත්ත අතිශය වැදගත් බවත් මැත කාලයෙ සිට පරිසර ක්ෂේත්රය සම්බන්ධයෙන් ඇති උනන්දුව වැඩි වීම සුබවාදී බවත් මේ නිසාම තොරතුරු දත්ත සම්බන්ධයෙන් සොයන කණ්ඩායම් පවා වැඩි වීම සුබවාදී කරුණක් බවත් විපක්ෂ නායකවරයා පැවසීය.Sri Lanka Latest News
මෙම උනන්දුවට සාපේක්ෂව විෂය තුළ භෞතික හා මානව සම්පත් වර්ධනය වී ඇත්ද යන්න බරපතළ ගැටලුවක් බවත් එම නිසා වන ජීවීන් සම්බන්ධයෙන් කටයුතු කරන වන ජීවී දෙපාර්තමේන්තුවේ මානව හා භෞතික සම්පත් වර්ධනය විය යුතු බවත් හරිත ආර්ථික හා ප්රතිපත්ති සම්බන්ධයෙන් කතා කලාත් ඒවා ප්රායෝගිකව ක්රියාත්මක නොවන්නේ නම් එහි වැඩක් නොැමැති බවත් විපක්ෂ නායකවරයා මෙහිදී අවධාරණය කළේය.
එසේම වසර 10 කට වඩා වැඩි කාලයක් ස්වේච්ඡා සේවකයන් ලෙස කටයුතු කරන පිරසක් මෙම දෙපාර්තමේන්තුවේ සේවය කරන බැවින් ඔවුන් ස්ථිර කළ යුතුබවත් මේ සදහා අවශ්ය මුදල් සෙවීමට වන ජීවී දෙපාර්තමේන්තුව වන සම්පත මූලික කර ගත් ව්යවසායකයකු විය යුතු බවත් දෙපාර්තමේන්තුවට අයත්කදවුරු භූමි සංචාරකයන් ට විවෘත කර ඒ තුලින් ආදායම් උත්පාදනය කළ හැකි බවත් විපක්ෂ නායකවරයා පැවසීය.
එසේම වන ජීවී ප්රේර කලාප ආශ්රිත ව බදවා ගන්නාලද පැරණි අත්දැකීම් සහිත පුද්ගලයන් ලවා වන ජීවී නිලධාරීන් ට විදිමත් පුහුණුව ක් ලබා දිය යුතු බවත් එවිට දේශපාලන ඇගිලි ගැසීම් වලිනි තොර විධිමත් වැඩපිලිවෙලක් ක්රියාත්මක කළ හැකි බවත් ඊට අමතරව හරිත පුරවැසියන් නිර්මාණය කිරිමේ අරමුනින් හරිත ණය වැඩසටහනක් ආරම්භක කර ජනතාවද වනජීවි සංරක්ෂණය සදහා යොදා ගත හැකි බවත් විපක්ෂ නායක සජිත් ප්රේමදාස මහතා තවදුරටත් පැවසීය. මෙි තුළිනි ප්රජා පොලිස් වැඩසටහනට අමතරව ප්රජා පරිසර වැඩසටහනක්ද ක්රියාත්මක කළ හැකි බව විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද (10) අජිත් මාන්නප්පෙරුම මහතාගේ සභාපතීත්වයෙන් පැවැති වන අලි ගැටලුව වනජීවී පරිසර හා ස්වාභාවික සම්පත් පිලිබද ආංශික අධික්ෂන කාරක සබාවට එක්වෙමිනි.
මේ සදහා පාසල තුළ සිටම අධ්යාපන ක්රමවෙදය වෙනස්ව පාරිසරික අධ්යාපනය නම් විෂයක් හදුන්වා දිය යුතු බවත් පාසල් තුළ මෙය ප්රචලිත කිරීම ප්රදේශය බාර වනජීවී නිලධාරීන්ගේ වගකීම බවත් විපක්ෂ නායකවරයා තවදුරටත් පැවසීය.
