කොළඹ මරුමස්ථාන 7කට අයි.එස් බෝම්බ ප්රහාර සැලසුමක් යනුවෙන් රජයේ පුවත්පතක් වන දිනමින පුවත්පතේ සදහන්ව ඇති බවත් මේ සම්බන්ධයෙන් පාර්ලිමේන්තුවත් රටත් ජනතාවත් හරියට දැනුවත් කරන ලෙසත් විපක්ෂ නායකවරයා ඉල්ලා සිටියේය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අද (6) පාර්ලිමේන්තුව අමතමිනි.
බන්ධනාගාර ගතව සිටින අයි.එස්. ත්රස්තවාදීන් විසින් මෙම සැලසුම් නිර්මානය කර ඇති බවට මෙහි වාර්තා වන බවත් මෙය බරපතල කරුණක් බැවින් මෙහි සත්ය අසත්යතාව සම්බන්ධයෙන් වැඩිදුර විමර්ශනය කරන ලෙසත් නැවතත් ත්රස්තවාදයකට හිස එසවීමට නොදිය හැකි බැවින් අතීතයෙන් පාඩම් ඉගෙන ගෙන මෙම අවදානම ගැන සොයා බලන ලෙස ද විපක්ෂ නායකවරයා ඉල්ලා සිටියේය.
එසේම ත්රස්ත මර්දනය සදහා රටේ නීතිය තුළ ගත හැකි උපරිම ක්රියාමාර්ග ගන්නා ලෙසත් විපක්ෂ නායක සජිත් ප්රේමදාස මහතා රජයෙන් ඉල්ලා සිටියේය.
දිනමිණ පුවත මෙන්න!
පාර්ලිමේන්තුව, වරාය නගරය අවට, ගංගාරාම ඇතුළු කොළඹ නගරයේ මරමස්ථාන හතක් ඉලක්ක කර ගනිමින් අයි.එස්. ත්රස්තයන් විසින් බෝම්බ ප්රහාරයක් එල්ල කිරීමේ සැලසුමක් සම්බන්ධයෙන් කරුණු අනාවරණය වී ඇතැයි කොළඹ ත්රස්ත විමර්ශන ඒකකය කොළඹ අතිරේක මහේස්ත්රාත් පසන් අමරසිංහ මහතා වෙත ඊයේ (05) කරුණු වාර්තා කළේය.
දැනට ත්රස්ත ක්රියා සම්බන්ධයෙන් බන්ධනාගාරගතව සිටින අයි.එස්. ත්රස්තවාදීන් විසින් මෙම සැලසුම සැලසුම් කර ඇති බව ද කරුණු අනාවරණය වේ.
පල්ලෙකැලේ බන්ධනාගාරයේ රැඳවූවකු අදාළ ත්රස්තයන්ගේ සැලසුම සම්බන්ධයෙන් කරුණු දැනගෙන ඒ සම්බන්ධයෙන් සටහන් යොදා ගත් ලිපියක් තැන්නේකුඹුර පොලිස් මුරපොළ වෙත වීසි කර ඇති බවට ද කරුණු අනාවරණය වේ.
බන්ධනාගාරගතව සිටින මෙම ත්රස්තයන් ජංගම දුරකතන හරහා කොළඹ නගරයේ ස්ථාන කීපයකට බෝම්බ ප්රහාර එල්ල කිරීමට සැලසුම් කළ සංවාදයට මෙම රැඳවියා සවන් දී ඇති අතර, පසුව එම ත්රස්තයන් විසින් මෙම රැඳවියාට ද පහරදී ඇත. තමා දැනගත් සියලු තොරතුරු සමඟ නම් හා දුරකතන අංකය ද සඳහන් කළ ලිපියක් ඔහු බන්ධනාගාර නිලධාරීන් විසින් පල්ලෙකැලේ සිට මහරට ගෙන යන අවස්ථාවේදී තැන්නේකුඹුර පොලිස් මුරපොළ වෙත වීසිකොට ඇත.
මෙම ලිපිය සම්බන්ධයෙන් විමර්ශනයක් ආරම්භ කර ඇති බව සඳහන් කරන ත්රස්ත විමර්ශන ඒකකය අදාළ රැඳවියාගෙන් ප්රකාශයක් ලබා ගැනීමට අධිකරණයෙන් අවසර ඉල්ලා සිටියේය.
අදාළ කරුණ සලකා බැලූ මහේස්ත්රාත්වරයා එම ඉල්ලීම අදාළ අධිකරණ බල ප්රදේශයට අයත් අධිකරණයකින් සිදු කරන ලෙසට නියෝග කළේය.
