ජනාධිපතිවරයාගේ කියුබානු සහ අමෙරිකානු සංචාරවලින් පසුව සුලු අමාත්ය මණ්ඩල සංශෝධනයක් සිදුවන බවට සති අන්ත ඉංග්රීසි පුවත්පත් සහ ඇතැම් වෙබ් අඩවි පළකොට ඇති පුවත අසත්යයක් බව රාජ්ය අමාත්යවරුන් අතර කතාබහට ලක්ව ඇති බව දැනගන්නට තිබේ.Sri Lanka Latest News
එම රාජ්ය අමාත්යවරුන් පෙන්වා දී ඇත්තේ ආණ්ඩුව ඇතුළේ අභ්යන්තර ආරවුල් මතුවෙද්දී පසුගිය කාල සීමාව පුරාම මේ ආකාරයට අමාත්ය මණ්ඩල සංශෝධන සිදුවන බව කියමින් පුවත් පළවූ නමුත් ඒ කිසිදු අවස්ථාවක අමාත්ය මණ්ඩල සංශෝධනයක් සිදු නොවුණු බවකි.
මේ අවස්ථාවේදීද මෙවැනි අසත්ය පුවතක් පළ කොට ඇත්තේ ඇමැතිවරුන් කිහිප දෙනකු අතර මතගැටුම් මතුව තිබීමත්, රාජ්ය අමාත්යවරුන් විසින් ඉල්ලීම් කිහිපයක් මුල් කරගෙන ආණ්ඩුව ඇතුළේ යම් සටන් දියත් කොට තිබීමත් හේතුවෙන් බව රාජ්ය අමාත්යවරුන්ගේ අදහස වී තිබේ.
