ශ්රී ලංකා පොදු ජන පෙරමුණ සැප්තැම්බර් 02 වැනිදා සිට දිවයිනේ සෑම ග්රාමසේවා වසමකම ශාඛා සමිති පිහිටුවීමේ වැඩපිළිවෙළ ආරම්භ කළ බව ශ්රීලංකා පොදුජන පෙරමුණේ පාර්ලිමේන්තු මන්ත්රී නාමල් රාජපක්ෂ පවසයි.Sri Lanka Latest News
විශේෂයෙන් පසුගිය කාලයේම ආසන බල මණ්ඩල පවත්වමින් පක්ෂයේ ප්රතිසංවිධානය වැඩපිළිවෙළ තවදුරටත් ශක්තිමත් කිරීමට දායක වූ සියළු දෙනාටම ස්තුතිවන්ත වන බවද නාමල් රාජපක්ෂ පැවසීය.ගමෙන් බිහිවූ දේශපාලන පක්ෂයක් වන පොහොට්ටුව ගමේ දේශපාලනය ශක්තිමත් කරමින් ලංකාවේ සෑම අස්සක් මුල්ලක් නෑරම ශාඛා සමිති ආරම්භ කරන බවත් නාමල් රාජපක්ෂ පැවසීය.
ජනතාවාදී ආණ්ඩුවක් බිහිකරලීම සදහා කටයුතු ආරම්භ කරන බවත් වර්තමාන ආණ්ඩුවේ ප්රතිලාභයන් සෑම ජන කොටසකටම රැගෙන යාමට අවශ්ය ග්රාමීය නායකත්වය මේ තුලින් බිහිකරවීමට අපි පක්ෂයක් ලෙස කටයුතු කරන බවත් ඉදිරියේදී පැවැත්වෙන ඕනෑම මැතිවරණයකට මුහුණ දෙමින් පොදු ජන පෙරමුණේ ප්රතිපත්ති ජනගත කිරීමට බලාපොරොත්තු වන බවත් නාමල් රාජපක්ෂ පැවසීය.
