ලෝක වෙළෙඳපළේ තිරිඟු පිටි මිල විශාල වශයෙන් පහත බැස තිබුණද එම වාසිය පීඩාවට පත්ව සිටින ජනතාවට ලබාදිය නොහැක්කේ ආණ්ඩුව විසින් පිටි ගෙන්වන ප්රධාන සමාගම් දෙක වන ප්රීමා සහ සෙරන්ඩිබ් යන සමාගම් දෙක සමග එළඹ ඇති ගිවිසුම් හේතුවෙන් බව අනාවරණ වේ.Sri Lanka Latest News
පසුගියදා ජනතා විමුක්ති පෙරමුණේ නායක අනුර කුමාර දිසානායක මහතා කියා සිටියේ මෙම සමාගම් දෙකට ඒකාධිකාර බලයක් ලබාදී තිබීම හේතුවෙන් ඔවුන් පිටි මිල අඩු නොකොට දැවැන්ත ලාභයක් මේ වන විට ලබමින් සිටින බවකි.
එමෙන්ම ආනයන පාලකවරයා 2023.06.16 දින නිකුත් කොට තිබූ ආනයන බලපත්ර නොමැතිව තිරිඟු පිටි ආනයනය කිරීමට අවස්ථාව ලබාදී තිබූ ලිපිය ආණ්ඩුව විසින් 2023.06.14 දාතමින් නිකුත් කළ අතිවිශේෂ ගැසට් පත්රය මගින් තහනම් කිරීමට පියවර ගැනීම නිසා මෙම සමාගම් දෙක අසීමිත ලාභ ලබමින් සිටින බවද මන්ත්රීවරයා පෙන්වා දුන්නේය.
තිරිඟු පිටි කිලෝවක් වරායට පැමිණෙන විට රුපියල් 110ක මිලක් සඳහන් වුවද, මේ වන විට එම සමාගම තිරිඟු පිටි කිලෝවක් අලෙවි කරන්නේ රුපියල් 210ක් වැනි ඉහළ මිලකට බවද මන්ත්රීවරයා කියා සිටියේය.
එමෙන්ම මන්ත්රීවරයා මෙසේද කියා සිටියේය.
‘රජයේ තිරිඟු පිටි ආනයන තහනම තුළ දේශීය පිටි අලෙවියේදී මෙම සමාගම් අධික ලාභ ලබන බව හෙළිවන්නේ ලෝක වෙළෙඳපොළේ තිරිඟු පිටි මිල සංසන්දනය කර බැලීමේදීයි. නිදසුනක් ලෙස තුර්කියෙන් ශ්රී ලංකාවට තිරිඟු පිටි ආනයනය කිරීමේදී පිටි කිලෝග්රෑම් 01ක් වරායට ගොඩබෑ හැකි මිල රුපියල් 110ක් පමණයි. ඊට කලින් පනවා තිබූ බදු මුදල වන රුපියල් 35ක මුදලද එකතු කර වෙළෙඳපොළේ රුපියල් 160ක පමණ මුදලකට ලාභයක්ද සහිතව පිටි අලෙවි කළ හැකි බව බේකරි කර්මාන්තකරුවන් විසින් පෙන්වා දී තිබෙනවා. 2023 ජනවාරි මාසයේ තුර්කි තිරිඟු පිටි මෙ.ටො. 01ක මිල ඇ.ඩො. 535ක් වූ නමුත් පෙබරවාරියේ 510ක්ද, මාර්තුවේ 490ක්ද, අප්රේල් මාසයේ 440ක්ද, මැයි මාසයේ 377ක්ද, ජුනි මාසයේ හා ජූලි මාසයේ ඇ.ඩො. 355ක්ද වශයෙන් ක ්රමිකව පහත වැටී තිබෙනවා.
ජනවාරි මාසයේ ලෝක වෙළෙඳපොළේ ඇ.ඩො. 310ක් වූ තිරිඟු ඇට මෙ.ටො. 01ක මිල පෙබරවාරියේ 307ක්ද, මාර්තුවේ 302ක්ද, අප්රේල් මාසයේ 292ක්ද, මැයි මාසයේ 279ක්ද, ජුනි මාසයේ 245ක්ද, ජූලි මාසයේ ඇ.ඩො. 238ක්ද වශයෙන් ක්රමිකව පහත වැටී තිබෙනවා.
අනෙක් අතට ජනවාරි මාසයේ රු. 362.42ක් වූ ඩොලරයේ අගය ජුනි මාසය වන විට සටහන් වූයේ රු. 301.26ක් ලෙසයි. ඒ අනුව මෙම පිටි නිෂ්පාදන සමාගම් අතිශය අසාධාරණ ලාභයක් ලැබූ බව සහ ලබමින් සිටින බව ඉතා පැහැදිලියි.’
