රටේ ආර්ථිකය වෙනුවෙන් ලොකුම ශ්රමයක් කැපකිරීමක් කළත් අමාරු ජීවිකාවක් ගෙන යන ජනතාවක් ලෙස වතු ප්රජාව හැදින්විය හැකි බවත් කුඩම්මාගේ සැලකිල්ල ලබා දෙමින් වතු ජනතාව වතු කම්කරුවන්ගේ තැනට පත්කර ඇති බවත් විපක්ෂ නායකවරයා පැවසීය.Sri Lanka Latest News
නමුත් සමගි ජන බලවේගයේ අරමුණ වන්නේ මෙරට ඇති හිස් ඉඩම් වතු ප්රජාවට ලබා දී ඔවුන් කුඩා තේ වතු හිමියන් බවට පත් කර ලැයිම් කාමරයට සමු දී කුඩා නිවසක් සකස් කර දීම බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ පසුගිය දා වතු ක්ෂේත්රයට සම්බන්ධ පිරිසක් හමු වූ අවස්ථාවේදීය.
වතු ජනතාව එක් එක් දේශපාලනඥයන් රාජ්ය නිලධාරීන් පසුපස ගොස් සහනාධාර ඉල්ලා සිටින වහල් ගමන නතර කර කුඩා තේ වතු හිමියන් බවට පත් කර තේ නිෂ්පාදනයට සක්රීය දායකත්වය ලබා දිය හැකි ලෙස ප්රග්ධන සවිබල ගැන්වීමට අදහස් කරන බව ද විපක්ෂ නායකවරයා පැවසීය.
මෙකී ප්රග්ධන සවිබල ගැන්වීම තුළින් තමන්ගේ ශ්රමය කැපකර උසස් ජීවන රටාවක් අැති කර ගත හැකි බවත් පැවසු විපක්ෂ නායකවරයා මෙහි දී කියා සිටියේ ඒ ප්රදේශවල යටිතල පහසුකම් මෙන්ම අධ්යාපන පහසුකම් සහ සෞඛ්ය පහසුකම් ද වර්ධනය කර දෙන බව යි.
දේශීය ණය ප්රතිව්යුහගත කිරීමෙන් පවා වතු ජනතාවගේ අර්ථ සාධක අරමුදලට බලපෑමක් වූ බවත් වතු ජනතාවගේ විමුක්තිය අභිවෘද්ධිය ගැන කතා කර ඔවුන්ගෙන් මනාප පවා ලබා ගත් සමහර මැති අැමතිවරු මෙම දේශීය ණය ප්රතිව්යුහගත කිරීමට පක්ෂය ඡන්දය දුන් බවත් පැවසූ විපක්ෂ නායකවරයා කියා සිටියේ වතු කම්කරුවනගේ නායකයන් යැයි කියා ගන්නා කොට්ටාසය සැබවින්ම ඔවුන්ගේ අයිතීන් වෙනුවෙන් පෙනී සිටිනවාද නැතිනම් තමන්ගේ බඩගෝස්තරවාදී දේශපාලනය වෙනුවෙන් පෙනී සිටිනවාද කියා වතු ජනතාව සිතිය යුතු බවද පැවසීය.
