දේශීය ණය ප්රතිව්යුහගත කිරීම සම්බන්ධයෙන් අද පැවැත්වෙන පාර්ලිමේන්තු මුදල් කමිටුවේදී විපක්ෂ නායක සජිත් ප්රේමදාස මහතාට ප්රශ්න කළ නොහැකි බවට කොන්දේසියක් පැනවීමට මුදල් කමිටු නියෝජිතයන් බහුතරයක් තීරණය කොට ඇත. Sri Lanka Latest News
ජනතාවගේ අරමුදල්වලට බලපාන අයුරින් ආණ්ඩුව විසින් දේශීය ණය ප්රතිව්යුහගත කිරීමට කටයුතු කරන බවට චෝදනා කරමින් විපක්ෂ නායක සජිත් ප්රේමදාස මහතා සැලසුම් කර තිබුණේ අද සහ හෙට පැවැත්වෙන මුදල් කමිටු රැස්වීම්වලට සහභාගී වී ඒ සම්බන්ධයෙන් දැඩිව ප්රශ්න කිරීමටය.
මේ තොරතුර අප ඊයේ දින අප වෙබ් අඩවිය ඔස්සේ පළ කිරීමටද පියවර ගත්තෙමු.
කෙසේවෙතත් මේ බව දැනගත් වහාම අද පැවැති මුදල් කමිටු රැස්වීම ආරම්භයේදී ආණ්ඩුවේ නියෝජිතයන් වන මහින්දානන්ද අලුත්ගමගේ, නිමල් ලන්සා සහ සුරේන් රාඝවන් යන මහත්වරු ඊට විරෝධය පළ කරමින් සදහන් කොට ඇත්තේ විපක්ෂනායකවරයා මුදල් කමිටු සාමාජිකයකු නොවන බැවින් ඊට සහභාගී වීමට ඉඩ දිය නොහැකි බවකි.
නමුත් ඊට විපක්ෂයේ නියෝජිතයන් විරෝධය පළ කරද්දී ආණ්ඩු පක්ෂ මන්ත්රීවරුන් ඊට ඡන්දයක් පැවැත්විය යුතු බවට යෝජනා කර ඇත.
මුදල් කමිටු සභාපති හර්ෂ ද සිල්වා මහතා ඊට ඉඩ ප්රස්ථාව ලබා දීමෙන් පසු ඡන්ද විමසීමට අනුව සජිත් ප්රේමදාස මහතා සහභාගී නොවිය යුතු බවට ඡන්ද 10ක්ද ඊට විරුද්ධව ඡන්ද 6ක්ද ලැබී ඇති බව දැනගන්නට තිබේ.
කෙසේවෙතත් සාකච්ඡාව අවසානයේදී තීන්දු වී ඇත්තේ විපක්ෂනායකවරයාට රැස්වීමට සහභාගී වීමට ඉඩ දිය හැකි නමුත් ප්රශ්න ඇසීමට අවස්ථාවක් ලබා දිය නොහැකි බවකි.
එසේ ප්රශ්න ඇසීමට අවශ්ය නම් නියෝජතියකුගේ මාර්ගයෙන් ඊට ඉඩ ලබා දිය හැකි බව ආණ්ඩුවේ නියෝජිතයන් ප්රකාශ කොට ඇත.
