වරාය හරහා නීති කඩකර ප්රතිඅපනයනය කිරීමේ මුවාවෙන් සිදුකරන මහා කරුංකා ජාවාරමක් පිළිබඳ විපක්ෂ නායක සජිත් ප්රේමදාස මහතා සිකුරාදා දිනයේදී පාර්ලිමේන්තුවේදී විශේෂ අනාවරණයක් කළේය.
මෙහිදී විපක්ෂ නායකවරයා පෙන්වා දුන්නේ මේ වන විටත් කරුංකා තොග රැගත් කන්ටේනර් 39ක් වරායේ ඇති බවත්, ඒවා අගය එකතු කිරීමකින් තොරව නීති විරෝධීව ප්රතිඅපනයනය කිරීමට සූදානම් කර ඇති බවත්ය.
මේවායේ හිමිකරුවන් කවුද, ඒවා ආනයනය කළේ කුමන රටකින්ද, ප්රතිඅපනයනය කරන්නේ කුමන රටකටද, ඊට අදාළ සහතික ලබාගත්තේ කුමන පදනමකින්ද යන්න එහිදී විපක්ෂ නායකවරයා ආණ්ඩුවෙන් ප්රශ්න කර සිටියේය.
තමන් ලබන පාර්ලිමේන්තු වාරයේදී මෙම ජාවාරම පිටුපස සිටින පුද්ගලයන් පිළිබඳ නම්ගම් සහිතව හෙළිදරව් කිරීමට කටයුතු කරන බවද විපක්ෂ නායකවරයා එහිදී කියා සිටියේය.
