ගේයි ඉඩමයි සින්න වෙලා! ණය ගෙවාගන්න විදිහක් නෑ! දරාගන්න බැරි තැන පුංචි ළමයි දෙන්නටයි බිරියටයි ලියුමක් ලියලා තාත්තා කෝචිචියට පැනලා දිවි නහගෙන! නිට්ටඹුවෙන් ඇහෙන දුක හිතෙන කතාවක්!

තමන් ජීවිත් වූ නිවස පෞද්ගලික ආයතනයකට සින්න වීමත්, ගෙවිය යුතු ණය සම්භාරයක් ඇති නිසාවෙන් නිට්ටඹුව පින්නගොල්ල ප්‍රදේශයේ පුද්ගලයෙකු දුම්රියට පැන සියදිවි නසාගෙන තිබෙනවා.

මෙම ඛේදනීය සිදුවීම ඊයේ (22)) පෙරවරු 9.10ට පමණ සිදුව ඇති අතර එම පුද්ගලයා රඹුක්කන සිට කොළඹ කොටුව බලා ධාවනය වූ දුම්රියට ගම්පහ හා දාරළුව අතර ප්‍රදේශයේ දී පැන ඇති බවයි වාර්තා වුණේ.

මෙලෙස මියගොස් දරුවන් දෙදෙනකු සිටින 41 හැවිරිදි අයෙකි.

දුම්රියෙහි ගැටීමෙන් එම පුද්ගලයාගේ හිස කඳෙන් වෙන් වී ඇති අතර, එම මළසිරුර, අදාළ දුම්රියෙන්ම ගම්පහ දුම්රිය ස්ථානයට ගෙනැවිත් තිබුණා.

සියදිවි නසාගැනීමට පෙර මියගිය පුද්ගලයා විසින් සිය බිරිඳට, දරු දෙදෙනාට හා මිතුරන් වෙත ලියූ ලිපියක් ද පොලිසිය ඔහුගේ මුදල් පසුම්බියෙහි තිබී සොයාගෙන ඇති බවයි වාර්තා වන්නේ.

එම ලිපියෙහි සඳහන් වන්නේ මෙවැන්නක්.

ඔයා මාත් එක්ක අවුරුදු 17ක් හැම දුක සැපක්ම දරාගත්ත. ගෑනියෙක් විඳින්න පුළුවන් හැම දුකක්ම දරාගත්ත. අදටත් මං පුදුම වෙනවා ඒ දරාගැනීම් ගැන. ඔයාට මේකත් ඒ වගේම දරාගන්න පුළුවන් වෙයි. සමාවෙන්න මේ මගේ ගොන් මෝඩ තීරණයට. මට තවත් ඉවසන්න බැහෑ. මං දන්න එකම දෙයක් තියෙනවා ඒ මං ඔයාට ගොඩක් ආදරේ.

එම ලිපියේම මියගිය පුද්ගලයා විසින් තම දියණියට පවසා ඇත්තේ මෙවැන්නක්.

ආදරණීය සෙසඳි, ඔයාට ගොඩක් බැන්නට මං ගොඩක් ආදරෙයි. අම්මවයි මල්ලිවයි බලාගන්න. හොඳට ඉගෙන ගන්න. අම්මට කවදාවත් බොරුවක් කරන්න එපා. එයාට තවත් දරාගන්න හයියක් නෑ. මට වෛර කරන්න එපා කියලා කියන්න බෑ. ඒත් පුළුවන් නම් මට සමාවෙන්න. යනුවෙන් සංවේදී සටහනක් මියගිය පුද්ගලයා තම දියණිය වෙත තබා තිබෙනවා.

මියගිය පුද්ගලයා සිය බිරිඳ සහ දරු දෙදෙනා සමඟ පදිංචිව සිටි නිවස පෞද්ගලික ආයතනයකට උකස් තබා තිබූ බවත් පසුව එම නිවස සහ ඉඩම එම ආයතනයට සින්න වීම හේතුවෙන් ඔවුන්ට එම නිවසෙන් යාමට සිදුව ඇති බවත් මරණකරුගේ බිරිඳ පොලිසියට ලබාදුන් ප්‍රකාශයේ සඳහන්.

සිය නිවස තමාට අහිමි වීමත්, විශාල මුදලක් තවත් සමාගමකට ණය වීම ඇතුළු කරුණු කිහිපයක් හේතුවෙන් සිය ජීවිකාව තවදුරටත් ගෙන යාමට නොහැකි වීම මත මෙම දෙදරු පියා දුම්රියට පැන සියදිවි හානි කරගන්නට ඇතැයි මූලික පොලිස් විමර්ශනවලින් මේ වනවිට හෙළිව තිබෙනවා.

hirunews.