කලින් ලබා දුන් පොරොන්දු ඉටු නොකිරීම හේතුවෙන් සමගි ජන බලවේගය සමග එක්ව කටයුතු කරන සුලු පක්ෂ රැසක් ඉන් ඉවත් වීමේ අවදානමක් මතුව ඇති බවට ඉකුත් සතියේ ඉරිදා ලංකාදීප පුවත්පත සිය මුල්පිටුවේ පළ කොට ඇති පුවත සම්පූර්ණයෙන්ම අසත්යයක් බව සමගි ජන බලවේගය පවසයි.
එම පක්ෂය පෙන්වා දෙන්නේ මෙම පුවත සම්පූර්ණයෙන්ම අසත්ය කරුණු මත පදනම්ව දයාසීලී ලියනගේ නම් මාධ්යවේදිනියක විසින් ලියා ඇති බවය.
සමගි ජන බලවේගයේ සාකච්ඡාවක් පසුගිය සතියේ පැවැත්වුණද මේ කියන කිසිදු සිදුවීමක් එහි සිදු නොවුණු බවත්, පළාත් පාලන මැතිවරණය ලබා ගැනීම සම්බන්ධයෙන් එහිදී දීර්ඝව සාකච්ඡා වූ බවත් එම පක්ෂය පවසයි.
එමෙන්ම පුවතේ අදාළ සාකච්ඡාවට රිෂාඩ් බදුර්දීන් මහතා එක්ව සිටි බව සදහන්ව තිබුණද ඒ මහතා එදින එම සාකච්ඡාවට සහභාගී වී නොසිටි බවද පක්ෂය පවසයි.
ඒ අනුව අදාළ අසත්ය පුවත පළකිරීම මුල්කරගෙන ඉදිරියේදී දැඩි ක්රියාමාර්ග ගැනීමටද සමගි ජන බලවේගය තීරණය කර ඇති බව දැනගන්නට ඇත.
කෙසේවෙතත් පසුගිය කාලසීමාවේදී ලංකාදීප පුවත් පත සමගි ජන බලවේගය සම්බන්ධයෙන් අසත්ය පුවත් රැසක්ම වාර්තා කර තිබූ ආකාරයක් දැකගන්නට පුලුවන.
සජබය සම්බන්ධයෙන් මෙම අසත්ය පුවත පළ කළ ඉරිදා ලංකාදීප පුවත්පතේ හිමිකරු වන්නේ එජාප නියෝජ්ය නායක රුවන් විජයවර්ධන මහතාය.
වරක් මෙම දයාසීලී ලියනගේ මාධ්යවේදිනිය විසින්ම 2010 ජනාධිපතිවරණයේදී පොදු අපේක්ෂක සරත් ෆොන්සේකා මහතා හා දෙමළ ජාතික සන්ධනායේ නායක ආර. සම්බන්දන් මහතා අතර රහස් ගිවිසුමක් අස්සන් කොට තිබූ බවට අසත්ය පුවතක් පළ කොට සමාව ගැනීමටද සිදුව තිබිණ.
ඒ එම පුවත අසත්යයක් බව සම්බන්ධන් මහතා විසින් ප්රකාශ කිරීමෙන් අනතුරුවය.
