සමගි ජන බලවේගය විසින් හැම පළාත් පාලන ආයතනයකටම සංවර්ධන සැලසුමක් සකස් කර ඇති බවත් එය බිම් මට්ටමේ නිර්මාණය අදහස්වලින් සමන්විත වන බවත් එය ග්රාම සේවා වසම් කුඩා ගම්මාන කේන්ද්ර කර ගෙන ගම හදා රට හදන්න නගරය හදා රට හදන්න සූදානම් බවත් විපක්ෂ නායක සජිත් ප්රේමදාස මහතා කල්කුඩාවල දී පැවසීය.
රටේ ජනතාව දැඩි ලෙස අසරණ වී ඇති අවස්ථාවක බංකොලොත් රට ගොඩ ගැනීමට ඇති එකම විසදුම සමගි ජන බලවේගය බවත් ආගම්, ජාති, කුල මල භේදයකින් තොරව සැවොම එකට එකතු වී රට වැටී තිබෙන ප්රපාතයෙන් ගොඩ ගැනීමට කටයුතු කළ යුතු බවත් විපක්ෂ නායකවරයා එහි දී අවධාරණය කළේය.
