රජය මගින් පනවා තිබෙන සංචරණ හා අනෙකුත් සීමා කොරෝනා වසංගතය පාලනය කළ හැකි මට්ටමකට පැමිණෙන තෙක් තවදුරටත් පවත්වාගෙන යා යුතු බව විශේෂඥ වෛද්යවරුන්ගේ සංගමය රජයට යෝජනා කර ඇත.
රජය මගින් පනවා ඇති සීමා නිසා තමන්ගේ එදිනෙදා කටයුතුවලට කොතරම් බලපෑම් කළ ද බහුතර ජනතාවගේ සුබසිද්ධිය උදෙසා ඒවාට උපේක්ෂාවෙන් මුහුණදිමට ජනතාව කටයුතු කළයුතු බව විශේෂඥ වෛද්යවරුන්ගේ සංගමයේ සභාපති විශේෂඥ වෛද්ය ලක්කුමාර් ප්රනාන්දු මහතා පවසයි.
කොරෝනා වසංගතය ශීඝ්ර ලෙස වැඩිවුවහොත් පුද්ගල මරණ සංඛ්යාව වැඩිවිය හැකි අතර සෞඛ්ය අංශද අඩපණ විය හැකි බව ද ලක්කුමාර් ප්රනාන්දු මහතා සඳහන් කරයි.
කොරෝනා පාලනය කර රට නැවත යථා තත්ත්වයට පත් කිරීමට සියලු දෙනා පොදු අරමුණකින් කටයුතු කළ යුතු බව ද හෙතෙම පැවැසීය.
