දිගාමඩුල්ල දිස්ත්රික් ශ්රී ලංකා පොදුජන පෙරමුණ පාර්ලිමේන්තු මන්ත්රී වෛද්ය තිලක් රාජපක්ෂ මහතා පාර්ලිමේන්තු මන්ත්රී ධූරයට නුසුදුසු බවට ප්රකාශයක් නිකුත් කරන්නැයි ඉල්ලා ගොනු කළ රිට් පෙත්සම සම්බන්ධයෙන් අධිකරණයේ කරුණු දක්වන්නැයි අභියාචනාධිකරණය පාර්ලිමේන්තු මහලේකම් , මැතිවරණ කොමසාරිස් ඇතුළු වගඋත්තරකරුවන්ට අද ( 25) නොතීසි නිකුත් කළේය.
පාර්ලිමේන්තු මන්ත්රී වෛද්ය තිලක් රාජපක්ෂ මහතා පාර්ලිමේන්තු මන්ත්රී ධූරයට නුසුදුසු බවට ප්රකාශ කරන කෝවොරොන්ටෝ රිට් ආඥාවක් නිකුත් කරන්නැයි ඉල්ලා දිගාමඩුල්ල , පුංචි සීගිරිය රජමහා විහාරාධිපති පුජ්ය බඹරවානේ සද්ධාතිස්ස හිමියන් ගොනු කළ රිට් පෙත්සම සලකා බලමින් අභියාචනාධිකරණ සභාපති විනිසුරු අර්ජුන ඔබේසේකර සහ මායාදුන්නේ කොරයා යන අභියාචනාධිකරණය විනිසුරු මඩුල්ල එම නොතීසි නිකුත් කළේය.
පසුගිය අගෝස්තු මස පැවැති මහමැතිවරණයේදී වග උත්තරකාර පාර්ලිමේන්තු මන්ත්රීවරයා තරග කරන අවස්ථාවේ දිගාමඩුල්ල සෞඛ්ය වෛද්ය කාර්යාලයට අනුයුක්තව සේවය කර ඇති බව පෙත්සම්කරු චෝදනා කර සිටී.
ඒ අනුව මන්ත්රීවරයා ආණ්ඩුක්රම ව්යවස්ථාවේ 91 ව්යවස්ථාවේ ප්රතිපාදන අනුව පාර්ලිමේන්තු මන්ත්රීවරයෙකු ලෙසට කටයුතු කිරීමට නුසුදුසුකමක් ලබන බව පෙත්සම්කරු පවසයි.
ඒ අනුව ලබන මැයි 17 වැනිදා අධිකරණය හමුවේ පෙනී සිට කරුණු දක්වන්නැයි අභියාචනාධිකරණය වගඋත්තරකරුවන්ට නියම කළේය.
පෙත්සම්කාර හිමිනම වෙනුවෙන් ජනාධිපති නීතීඥ ෆයිස් මුස්තාෆා , නීතීඥ හෆීල් ෆාරිස් මහතා පෙනී සිටියහ.
