හිටපු ජනාධිපති මෛත්රීපාල සිරිසේන මහතා විසින් විශේෂ ජනපති සමාවක් යටතේ නිදහස් කරනු ලැබූ රෝයල් පාක් මිනීමරුවා ලෙස සැලකුණු ජූඩ් ශ්රමන්ත ජයමහ යන අය මේ වනවිට විදේශතව සිටින බව අනාවරණය වී ඇත.
අද (10) දින එම නඩුව කැදවනු ලැබූ අවස්ථාවේදී නීතිපතිවරයා අධිකරණයට දැනුම් දී සිටියේ එක් දිනක් ඇතුළත සාදාගෙන ඇති විදේශ ගමන් බලපත්රයක් යටතේ මෙම පුද්ගලයා සිංගප්පූරුව බලා ගොස් ඇති බවකි.
ඒ අනුව ඉකුත් නොවැම්බර් 15 වැනි දින විදේශ ගමන් බලපත්රයක් ලබා ගෙන එදිනම මෙම තැනැත්තා විදේශතව ඇති බව අධිකරණය හමුවේ අනාවරණය විය.
මීට අමතරව මෙම පුද්ගලයාට ජනාධිපති සමාව ප්රදානය කිරීම සම්බන්ධයෙන් හිටපු ජනාධිපති මෛත්රීපාල සිරිසේන මහතාට මැයි මස 29 වැනි දින ශ්රේෂ්ඨාධිකරණයේ පෙනී සිටීමට ශ්රේෂ්ඨාධිකරණය අද (10) නොතීසි නිකුත් කිරීමටද පියවර ගෙන තිබිණ.
