ශ්රී ලංකා පොදුජන පෙරමුණේ නිර්මාතෘ මෙන්ම ජාතික සංවිධායක බැසිල් රාජපක්ෂ මහතා 2015 ජනාධිපතිවරණයෙන් පසු නිහඩව පසුපසට වී කල් ගත කිරීම පැහැදිලි කරමින් පොදුජන පෙරමුණු පාර්ලිමේන්තු මන්ත්රී ප්රමිත බණ්ඩාර තෙන්නකෝන් මහතා සිය ෆේස්බුක් පිටුවේ සටහනක් තබා ඇත.
එම සටහන මෙසේය.
ප්රහාරය අශිෂ්ට නම් ප්රතිප්රරහාරයේ ශිෂ්ඨත්වය සෙවීමෙන් වළකිමු.
ඉරබැස යාම ලොව දහමකි සනාථන
පසුබැස යාම යුද ක්රමයකි උපක්රම
ඉරහද සේම විශ්වාසයි මවුනි මට
අලිමංකඩට අපි නැවතත් එනවා හෙට
මෙම කවිය මට මුණගැසෙනුයේ යුද්ධයේ අදුරුමය යුගය වු 90 දශකයේ අලිමංකඩ පරාජය වී පසුබසින නාදුනන සොල්දාදුවෙකුගේ සටහනක් ලෙසිනි.
ඉතිහාසය තුළ ගෞරවයට, පූජනීයත්වයට, දේවත්වයට පත්, වීර නරපතියෙකු වන දුටුගැමුණු කුමරු මලය රටට පලා යන්නේත් විජිත පුරදී පසුබසින්නේත් “යුද්ධයේදී වීරයා වීමට වෙහෙසෙන්නා මෝඩයාය” යන හුදු ජනතා කතාව අවබෝධ කර ගත්තෙකු ලෙසය. යුද්ධයත්, සංග්රාමයත්, කැරැල්ලත්, අරගලයත් කළ යුත්තේ උපක්රමශීලීවය බව මනාව අවබෝධ කරගත් නිසාය. වළගම්බා මහ රජු “මහ කලු සිංහලයා බයේ පලා යනවෝ” යැයි කියද්දීත් පසුබැස රාජ්යයත්, සිංහාසනයත්, කිරුළත් අතහැර අප්රකට ජීවිතයකට යන්නේ රට, ජාතිය සහ ආගම රැක ගැනීම උදෙසා අරගලයට නැවත ප්රවිෂ්ඨ වීමේ උපක්රමික මෙහෙයුමකටය. ඔවුන් නැවත පැමිණ රට එක්සේසත් කළා සේම ඉතිහාසයට උත්තුංග වීර පුරා වෘත්තයන් මනාව එක් කළෝය.
හස්තියෙකු ප්රහාරයකට ප්රථම පියවර කිහිපයක් පසුපසට තබනුයේ ප්රහාරයට යොදන ජවය, තව තවත් වැඩි කර ගැනීමටය. දුන්නක දුනු දිය වඩාත් පසුපසට ඇදිනුයේ ඊතලය ඉලක්කය කරා වඩාත් වේගවත්ව හා මරු පහරක්ව විදුලියක් සේ ඉලක්කය පසාරැ කර වීම සදහාය. මෙය ඉතිහාසය සහ සමාන්ය දැනීම යැයි මම විශ්වාස කරමි.පසු බැසිමෙන් පසු නිහඩ වීම, මමත්වයෙන් කටයුතු කිරීම, පලායැම වන අතර පසුබැසීමෙන් පසු නැවත සංවිධානය වීම, වඩාත් හොදින් සන්නද්ධව අරගලයට ප්රවිෂ්ඨ වීම උපක්රමයයි.
2015 පරාජයෙන් පසු බැසිල් රාජපක්ෂ ද පසුබැස ගියේය. නමුත් ඔහු පොදු සතුරාටත් නොදැනෙන ලෙස අරගලය සංවිධාන කළේය. ඒ පසුබැසීම එක් අතකට භාග්යවන්තය. මන්දයත් රටටම විනයක් වු 19 වන සංශෝධනයට බැසිල් රාජපක්ෂගේ අත එසවී නැත. සියල්ලෝම අතර එහි දී ඔහු නිදොස් කොට නිදහස්ය. ඒ සියල්ල සිදු වන අතරත් ඔහු වඩා ශුක්ෂමව, වගකීමෙන් මෙන්ම හැඟිමෙන් කටයුතු කළේය. බැසිල් රාජපක්ෂගේ පසුබැසීම වරදක් නම් ඉතිහාසය තුළ ද වීරයන් බිහි නොවනු ඇත. අද තර්කයට අනුව ඒ ඉතිහාසයේ සියල්ලෝම පාවා දුන්නෝ වෙති. ඉතිහාසයේ වීරයන් එසේ වී නම් අවස්ථාවෝචිතව පසු බැස නැවත කඳවුර පිහිටුවා සේනා සංවිධාන කොට විජයග්රහණය කරා ගෙන ගිය බැසිල් රාජපක්ෂ නිරායාසයෙන්ම වීරයෙකි.
කවුරු කොඩිය ඔසවා ගත්තද සෙන්පතියා සෙන්පතියාමය. සෙන්පතියා මරා දැමිය නොහැක්කේය. සෙන්පතියා අමරණීයය. සෙන්පතියා බැසිල්ය. කතාව අදට එපමණකි.
මම
ප්රමිත බණ්ඩාර තෙන්නකෝන්
