ඇමරිකාවේ වෙළෙඳ මධ්යස්ථානයට ප්රහාරය එල්ල වී මේ වන විට හරියට ම වසර විස්සකි (20).
ඇෆ්ගනිස්තානයේ සංක්රන්තික තලෛබාන් පාලනය අල්කයිඩා සංවිධානය සමග ගනුදුනු කිරීමේ කුමන්ත්රණකාරී කාර්යයක් මේවන විට රහසි ගතව ආරම්භ කර තිබේ.
එහි ප්රධනියා වශයෙන් නම්කෙරී ඇත්තේ සිරාජුදීන් හකානි:ය. හෙතෙම සාමාන්ය පුරවැසියන් සිය දහස් ගණනක් ඝාතනය කරමින් ආබාධිත තත්වයට පත්කළ බිහිසුණු ඝාතකයෙකි. අල් කයිඩා හර පද්ධති නායකත්වය නොවන නායකයා ඝාතනය හෝ ආබාධිත තත්ත්වයට පත්කළ තැනැත්තා වශයෙන් ද හකානි හැඳින්වේ. මේ වන විට ඔහු ඇෆ්ගනිස්ථානයේ පාලන අධිකාරියේ ත්රස්තවාදී ක්රියා මර්ධනය කරන්නා වූද ජාතික ප්රතිපත්ති අධීක්ෂණය කරන්නා වූ ද බුද්ධි සේවා සහ වෙනත් අභ්යන්තර කටයුතුභාර ආරක්ෂක ඇමතිවරයායි.
“මේ කරුණ සැලකිල්ලට ගැනීම බොහෝම වැදගත්” බව ඇමරිකාවේ ආරක්ෂක උපදේශන ආයතනයක ප්රතිපත්ති සහ පර්යේෂණ අධ්යක්ෂ කොලින් ක්ලාව් කියයි.
කෙසේවෙතත් මේ බිහිසුණු පුද්ගලයාගේ නැගීම ජෝ බයිඩන් ගේ පාලනයට සේම බටහිර වෙනත් රාජ්යවලටද එතරම් හිතකර එකක් නොවක බව පවසන විමර්ශකයෝ ත්රස්ත තර්ජන එල්ලවීමේ හැකියාව වේගවත් විය හැකි බව ද පෙන්වා දෙති. එතකුදු වුව මේ වන විට ඇමති හකානි ද ඇතුළු අල්කයිඩා සහ තලෛබාන් යන කණ්ඩායම් සිය පසුගිය ඝාතන ප්රතිරූපය වෙනුවට මිත්රශීලී ප්රතිරූපයක් ජාත්යන්තරයට මවා පෑමක යෙදෙන බව ද පෙනේ. එ සේ රංගනයක යෙදීමට හේතුව තමන්ට අවශ්ය අරමුදල් උපයා ගැණිමේ අරමුණින් බව ද පැහැදිලිව ඇත.
ඇමති හකානි සහ අල්කෛඩා සංවිධානය අතර පවත්නේ යැයි කියන සම්බන්ධතාව ගැන ඇමති හකානි ගෙන් විමසීමට තමන් ඉක්මන් වී නැති බව තලෛබාන් මාධ්ය ප්රකාශක පසුගිය දා කීවේය. සිරාජුදීන් හකානි ඇමරිකාවේ FBI ලැයිස්තු ගතයෙකි.අත්අඩංගුවට ගැනීමට නිවැරදි තොරතුරකට ත්යාගය ඩොලර් පනස් ලක්ෂයකි(50,00,000) එහෙත් ඇමරිකනු රාජ්ය දෙපාර්තමේන්තුව පිරිනමන ත්යාගය ඩොලර් මිලියන දහයක් හෙවත් කෝටියකි (1,00,00,000).
ඔහු ලෝකයටම පිළිලයක් තරම් වන ත්රස්තවාදියකු බව රාජ්ය දෙපාර්තමේන්තුව නිවේදනය කර ඇත. සිරාජුදීන් හකානි 2008 කාබුල් නගරයේ හෝටල් සංකීර්ණයට ප්රහාරයක් එල්ල කර ඇමරිකානුවන් හය(6)දෙනකු ඝාතනය කිරීම සම්බන්ධව ප්රශ්ණ කිරීමට සහ ඇමරිකන් හමුදා ඉලක්ක කර එල්ල කළ ප්රහාර ගණනාවක් සම්බන්ධයෙන් අවශ්ය වී ඇත්තෙකි.
හකානිට එල්ල වී ඇති තවත් චෝදනාවක් නම් හිටපු ඇෆ්ගනිස්ථානු ජනාධිපති හමීඩ් කරසායි ඝාතනයට තැත් කිරීමය. මේ ඇමරිකන් රාජ්ය දෙපාර්තමේන්තුව ඉදිරිපත් කරන කරුණුය. කලීල් හකානි ඇෆගනිස්තානයේ සරණාගතයන් පිළිබඳ වැඩ බලන ඇමති ය.ඔහු සිරාජුදීන් හකානි ඇමතිගේ මාමණ්ඩියයි. කලීල් හකානි අත් අඩංගුවට ගැනීමට තොරතුරු සපයන්නකුට ත්යාගය ඩොලර් පනස් ලක්ෂයකි(50,00,000) අල්කෛඩා සංවිධානය සමග සම්බන්ධතා පැවැත්වීම සහ ප්රහාර ගණනාවක් එල්ල කිරීමට ඒ සංවිධානයට සහායවීම චෝදනා බව ඇමරිකන් රාජ්ය දෙපාර්තමේන්තුව කියයි.
“තලෛබාන් ආණ්ඩුව සමග අපේ සම්බන්ධතා ජාතික අවශ්යතා සඳහා පමණි.අපේ ජතික අවශ්යතා යනු අපේ පාක්ෂිකයන් ගේ අවශ්යතායි”රාජ්ය ලේකම් ඇන්තනී බ්ලින්කන් කියයි. ඇමරිකාව විසින් ඇමති සිරාජුදීන් හකානි ඇතුළු ඇෆ්ගනිස්තාන් නව පාලන ආණ්ඩුවේ අසාදු ලේඛන ගත කරනු ලැබ ඇති ඇමතිවරුන් ගේ නම් එම ලැයිස්තුවෙන් ඉවත් කරන ලෙසට තලෛබාන් සංවිධානය ඇමරිකාවෙන් ඉල්ලා ඇත.
එසේම හකානිට එරෙහිව නිකරුණේ අභූත චෝදනා එල්ලකර ඇතැයි තලෛබාන් සංවිධානය ඇමරිකානු රාජ්ය නිලධාරීන්ට චෝදනා ද ඉදිරිපත් කර තිබේ.ඒ චෝදනා යටතේ ම ඇමරිකානු රාජ්ය නිලධාරීන් දෝහා කටාර් සම්මුතියේ කොන්දේසි උද්ලංඝය කර ඇති බව ද කියයි.
ආරක්ෂක ඇමති සිරාජුදීන් හකානිට මේ වන වට ඇති ප්රධානම අභියෝගය පසුගිය මාසයේ කාබුල් ගුවන් තොටු පොළට එල්ලවූ අන්දමේ ප්රහාර තලෛබාන් විරෝධී සංවිධානවලින් මෙන්ම මුස්ලිම් රාජවලින් ද එල්ල වෙතැයි යන්නය.
කාබුල් ගුවන් තොටට එල්ල වූ ප්රහාරයෙන් ඇමරිකන් හමුදා සෙබළුන් දහ තුන්(13) දෙනෙක් ද සාමාන්ය වැසියන් එකසිය හැත්තෑ දෙනෙක් ද(170) මියගියහ.
චන්ද්රසේන මාරසිංහ
