පසුගිය පාලන කාලවලදී රාජ්ය ආයතනවල සිදුවූ දූෂණ වංචා සහ අක්රමිකතා සම්බන්ධයෙන්ද, දේශපාලකයන් සම්බන්ධ විමර්ශන ප්රමාද වීම මත අදාළ සිදුවීම් නිරාවරණය කළ සියලු සංවිධාන නියෝජිතයන්ගේ ජීවිත අනාරක්ෂිතව පවතින බව වෛද්ය හා සිවිල් අයිතිවාසිකම් පිළිබඳ වෛද්යවරුන්ගේ වෘත්තීය සමිති සන්ධානයේ සභාපති විශේෂඥ වෛද්ය චමල් සංජීව මහතා සඳහන් කරයි.Sri Lanka Latest News
මේ සම්බන්ධයෙන් අවස්ථා ගණනාවක්ම පොලිස් මූලස්ථානයටත්, අපරාධ පරීක්ෂණ දෙපාර්තමේන්තුවටත්, වින්දිතයන් ආරක්ෂා කිරීමේ කොමිසමටත් තමන් ඇතුළු සිවිල් නායකයන් පැමිණිලි කළද ඵලදායී ප්රතිඵලයක් නොලැබීම කනගාටුවට කරුණක් බව පෙන්වා දෙයි.
තෝරාගත් දේශපාලනමය විමර්ශන කීපයක් හැර පොදුවේ රාජ්ය ආයතනවල පැවති දූෂණ අක්රමිකතා සම්බන්ධයෙන් කඩිනම් විමර්ශනය සිදු නොවීම නිසා එම විමර්ශන සම්බන්ධයෙන් සාක්ෂි ලබාදීමට සිටින පුද්ගලයන් සහ පැමිණිලිකරුවන්ගේ ජීවිත අනාරක්ෂිත තත්ත්වයට පත්වෙමින් පවතින බව ඔහු සඳහන් කරයි.
හිටපු සෞඛ්ය අමාත්ය කෙහෙළිය රඹුක්වැල්ල මහතා ඇතුළු පවුලේ සාමාජිකයන්ට එරෙහිව පවතින අල්ලස් කොමිසම මගින් පවරන ලද නඩුවේ රජයේ සාක්ෂිකරුවකු වීමට සිටි පුද්ගලයකුද පසුගියදා සියදිවි නසාගැනීමට ලක්විය.
