2029 ජනාධිපතිවරණයේදී පොදු අපේක්ෂකයන් ලෙස තරග වැදීමට සූදානමින් සිටින විපක්ෂයේ දේශපාලන නියෝජිතයන් කිහිප දෙනෙක් මුල්කරගෙන මේ වනවිට සමාජ මාධ්ය ඔස්සේ දැවැන්ත ප්රචාරක ව්යාපාරයක් ආරම්භ වී ඇති ආකාරයක් දැකගන්නට පුළුවන.Sri Lanka Latest News
ඒ අනුව, පාඨලී චම්පික රණවක, හර්ෂ ද සිල්වා, මහාචාර්ය ජී.එල්. පීරිස්, විමල් වීරවංශ, දිලිත් ජයවීර, ෆීල්ඩ් මාර්ෂල් සරත් ෆොන්සේකා යන මහත්වරුන්ගේ නම් මෙසේ විපක්ෂයේ පොදු අපේක්ෂකයා වශයෙන් සමජ මාධ්ය තුළ දැඩි ලෙස කතාබහට ලක්ව තිබේ.
මේ නම් අතරින් පාඨලී චම්පික රණවක මහතා දැනටමත් සිය ප්රචාරක ව්යාපාරය ආරම්භ කරමින් සාකච්ඡා, මාධ්ය හමු සහ සම්මන්ත්රණවලට සහභාගි වන ආකාරයක් දැකගන්නට පුළුවන.
එමෙන්ම ජී.එල්. පීරිස් මහතාද සිය නිවසේ මාධ්ය හමු සහ දේශපාලන සාකච්ඡා පවත්වමින් සිටින ආකාරයක් දැකගන්නට තිබේ.
එමෙන්ම දිලිත් ජයවීර සහ විමල් වීරවංශ යන මහත්වරුන් දැනටමත් ප්රකාශ කොට ඇත්තේ තමන්ද ඉදිරි ජනාධිපතිවරණයේ පොදු අපේක්ෂකයා ලෙස ඉදිරිපත් වීමට සැලසුම් කොට ඇති බවකි.
මීට අමතරව සමාජ මාධ්ය වාර්තා කොට ඇත්තේ සජබ භාණ්ඩාගාරික ආචාර්ය හර්ෂ ද සිල්වා මහතා හට එජාප නායකත්වය ලබාදීමට රනිල් වික්රමසිංහ මහතා තීරණය කොට ඇති බවත්, ඉන් අනතුරුව හර්ෂ ද සිල්වා මහතා විපක්ෂයේ පොදු අපේක්ෂකයා වශයෙන් ඉදිරිපත් කිරීමට සැලසුම් කර ඇති බවත්ය.
එමෙන්ම ෆීල්ඩ් මාර්ෂල් සරත් ෆොන්සේකා මහතාද ඉකුත් වතාවේ මෙන්ම ජනාධිපතිවරණයට ඉදිරිපත් වීමට සූදානමින් පසුවන බවද සමාජ මාධ්ය වාර්තා කොට තිබේ.
කෙසේ වෙතත් අපට ඇති තොරතුරුවලින් නම් කියැවෙන්නේ 2029 ජනාධිපතිවරණයද 2024 ජනාධිපතිවරණය මෙන් තුන්කොන් සටනක් වනු ඇති බවකි.
ඒ අනුව ඊට මාලිමාව නියෝජනය කරමින් නැවත වතාවක් අනුර කුමාර දිසානායක මහතාත්, සමගි ජන බලවේගය නියෝජනය කරමින් විපක්ෂ නායක සජිත් ප්රේමදාස මහතාත්, ශ්රී ලංකා පොදුජන පෙරමුණ නියෝජනය කරමින් නාමල් රාජපක්ෂ මහතාත් 2029 ජනාධිපතිවරණයට තරග වැදීමට නියමිතය.
