රාජ්ය අනුග්රහය යටතේ පැවැත්වූ මහාවිහාරවංශික ශ්රී ලංකා අමරපුර මහා නිකායේ උපසම්පදා රාජ්ය මහෝත්සවයට සහභාගි වූ ජනාධිපති අනුර කුමාර දිසානායක මහතා තමන්ට නියමිතව තිබූ කතාව හෝ සිදු නොකොට උත්සව සභාව මැදදී හදිසියේම පිටව යෑම සම්බන්ධයෙන් මේ වනවිට දේශපාලන ක්ෂේත්රයේ විශාල කතාබහක් මතුව තිබේ. Sri Lanka Latest News
මෙහි ඇති විශේෂත්වය වන්නේ උත්සව සභාව ආරම්භ වී විනාඩි 40ක් පමණ රැඳී සිටි ජනාධිපතිවරයා හදිසියේම කිසිවකුටත් නොදන්වා සිය කතාවද සිදු නොකොට එම ස්ථානයෙන් පිටව යෑමය.
එහිදී ජනාධිපතිවරයා සිය අසුනනෙන් නැගිට කෙළින්ම උත්සව සභාවේ සිටි විපක්ෂ නායක සජිත් ප්රේමදාස මහතා සමීපයට ගොස් ඔහුට අතට අත දී එම ස්ථානයෙන් පිටව ගිය ආකාරයක් දැකගත හැකි විය.
කෙසේ වෙතත් ජනාධිපතිවරයා සිය කතාව හෝ සිදු නොකොට රාජ්ය අනුග්රහය ලබාදී තිබූ උත්සවයකින් කිසිදු හේතුවක් නොදක්වා මෙසේ හදිසියේම පිටව යෑම රැස්ව සිටි බොහෝ භික්ෂුන්වහන්සේලාගේ මවිතයට හේතුවී ඇති බවක්ද වාර්තා වේ.
