පසුගිය ජනවාරි පළමු වැනිදා සිට මාර්තු 10 වැනිදා දක්වා වූ කාලසීමාව තුළදී මාරක රිය අනතුරු 404කදී පුද්ගලයන් 422ක් මියගොස් ඇති බව පොලිස් මාධ්ය ඒකකයේ උසස් නිලධාරියකු ‘මව්රට’ට පැවැසීය. Sri Lanka Latest News
එම කාලසීමාව තුළදී මාරක රිය අනතුරු නිසා බරපතළ තුවාල ලැබූවන්ගේ සංඛ්යාව 925ක් වන අතර, සුළු තුවාල ලැබූවන්ගේ සංඛ්යාව 1,572ක් බවද එම නිලධාරියා සඳහන් කළේය.
අදාළ අනතුරු නිසා සිදුව ඇති අලාභහානි සංඛ්යාව 745කි.
එම කාලසීමාවේ, එනම් මාර්තු 11 දක්වා කාලය තුළදී සංවිධානාත්මක අපරාධ කල්ලි විසින් වෙනත් අපරාධකරුවන් වෙත සිදුකර ඇති වෙඩිතැබීමේ සිද්ධීන් 20ක් හේතුවෙන් පුද්ගලයන් 18 දෙනකු මියගොස් තිබේ.
තුවාල ලැබූ සංඛ්යාව 09ක් වන අතර, තවත් වෙඩිතැබීම් තුනකින් කිසිවකු මියගොස් හෝ තුවාල ලබා නොමැති බවද වාර්තා වේ.
මේ අතර, මත්ද්රව්ය භාවිත කර පෞද්ගලික බස් රථ පදවන රියැදුරන් අතරමගදී හදිසි පරීක්ෂාවට ලක්කර ඔවුන් අධිකරණ වෛද්ය නිලධාරීන් වෙත පැමිණවීමේ පොලිස් මෙහෙයුම් දීපව්යාප්තව වැඩිකර ඇතැයි පොලිස් රථවාහන මූලස්ථානයේ අධ්යක්ෂ ජ්යෙෂ්ඨ පොලිස් අධිකාරී ප්රදීප් රණගල මහතා පැවැසීය.
විදේශ රටකින් ගෙන්වා ඇති මත්ද්රව්යවලට පෙලඹී ඇති රියැදුරන් පරීක්ෂා කිරීම සඳහා වූ විශේෂ උපකරණ, මෙහෙයුම් සිදුකරන රථවාහන පොලිස් නිලධාරීන් වෙත ලබාදී ඇති බවද සඳහන්ය.
ප්රේමලාල් විජේරත්න
