පසුගිය වසර 5ක පමණ කාලය තුළ මෙරට සාමාන්ය පුද්ගලයකු වෙනුවෙන් රජය ලබාගෙන ඇති ණය ප්රමාණය 7,04,800කින් පමණ ඉහළ ගොස් ඇති බව ශ්රී ලංකා මහබැංකු වාර්තා අනුව පෙන්නුම් කරන බව පේරාදෙණිය විශ්වවිද්යාලයේ මානව ශාස්ත්ර සහ සමාජ විද්යා පශ්චාත් උපාධි අධ්යයන අංශයේ අධ්යක්ෂ සහ ආර්ථික විද්යාව පිළිබඳ මහාචාර්ය වසන්ත අතුකෝරල මහතා පවසයි. (Sri Lanka Latest News)
2019 වනවිට ඒකපුද්ගල ණය ප්රමාණය රුපියල් 5,97,695ක් ලෙස පැවැති අතර, 2024 ජුනි මාසය වනවිට එය රුපියල් 13,02,502 දක්වා රුපියල් 7,04,807කින් ඉහළ ගොස් ඇත.
එහිදී 2019 වනවිට ඒකපුද්ගල දේශීය ණය ප්රමාණය රුපියල් 3,13,272ක් ලෙස පැවැති අතර, 2024 ජූලි මාසය වනවිට එය රුපියල් 8,05,999 දක්වා වැඩිවී ඇත.
ඒ තුළින් පෙන්නුම් කරන්නේ වසර පහකට ආසන්න කාලයක් තුළ ඒකපුද්ගල දේශීය ණය ප්රමාණය රුපියල් 4,92,727කින් පමණ ඉහළ ගොස් ඇති බවයි.
2019 වනවිට ඒකපුද්ගල විදේශීය ණය ප්රමාණය රුපියල් 2,84,423ක් ලෙස පැවැති අතර, 2024 ජූලි මාසය වනවිට එය රුපිය්ල 4,96,503 දක්වා රුපියල් 2,12,080කින් ඉහළ ගොස් ඇත.
විදේශීය ණය වෙනස්වීම කෙරෙහි විනිමය අනුපාතයද බලපෑ හැකි නමුත් ඒකපුද්ගල දේශීය ණය මේ ආකාරයට විශාල වශයෙන් ඉහළ යෑමට හේතු වූයේ පසුගිය වසර කීපය තුළ රජය දිගින් දිගටම දේශීය වෙළෙඳපළ තුළින් ණය ගැනීමය.
2019 සිට 2020 දක්වා වසරක කාලය තුළ ඒකපුද්ගල දේශීය ණය රුපියල් ලක්ෂයකින් පමණ ඉහළ ගොස් ඇත.
තවද 2022 වසරේදී පමණක් ඒකපුද්ගල දේශීය ණය ප්රමාණය රුපියල් 1,76,914කින් පමණ ඉහළ ගොස් ඇති බව අදාළ වාර්තාවන් අනුව පෙන්නුම් කරන බවද මහාචාර්ය අතුකෝරල මහතා සඳහන් කළේය.
ප්රේමලාල් විජේරත්න
