හිටපු අමාත්ය ජොන්ස්ටන් ප්රනාන්දු මහතා රහසිගතව ගෙන්වා ඇතැයි කියන බී.එම්.ඩබ්ලිව්. මෝටර් රථය එංගලන්තයේ සිට කොටස් කර කන්ටේනරයක බහා මෙරටට ගෙන්වා ඇද්ද යන්න ගැන රහස් පොලිසිය පුළුල් විමර්ශනයක් ආරම්භ කොට තිබේ. (Sri Lanka Latest News)
රහස් පොලිස් ආරංචි මාර්ග සඳහන් කරන්නේ රේගු ඇසට වැලි ගසා තවත් මෙවැනි අන්දමේ මෝටර් රථ කන්ටේනර්වල සඟවා මෙරටට ගෙන්වා ඇද්ද යන්න ගැනද සැක මතුව ඇති බවයි.
පසුගිය 2021 වසරේදී එංගලන්තයේදී සොරාගන්නා ලද මෙම බී.එම්.ඩබ්ලිව්. රථය පිළිබඳ ජාත්යන්තර පොලිසියේ වෙබ් අඩවිය මගින් හෙළිකර තිබූ තොරතුරුවලට අනුව එහි චැසි අංකය ඇතුළු සලකුණු රැසක් රජයේ රස පරීක්ෂක අංශ විසින් හෙළිකරගෙන ඇති බව පරීක්ෂණ මෙහෙයවන උසස් පොලිස් නිලධාරියකු ‘මව්රට’ට පැවැසීය.
අදාළ මෝටර් රථය මෙරටදී එකලස් කිරීමෙන් පසුව ව්යාජ අංක තහඩුවක් යොදා ඇද්ද යන්න ගැන සහ එය පාවිච්චි කර ඇති ආකාරය පිළිබඳ රහස් පොලිසිය සියලු තොරතුරු හෙළිකරගෙන තිබේ.
දැනට රක්ෂිත බන්ධනාගාරගත කර සිටින හිටපු අමාත්යවරයාට අයත්ව තිබූ මෙම මෝටර් රථය පිළිබඳ රහස් පොලිසිය ඉදිරියේදී අධිකරණයට කරුණු ඉදිරිපත් කිරීමට නියමිතය.
ප්රේමලාල් විජේරත්න
