ජනාධිපතිවරණය සඳහා නාමයෝජනා ලබාදීමෙන් පසු මැතිවරණ කොමසාරිස් කාර්යාලය මගින් ආදර්ශ ඡන්ද පත්රිකා තම කාර්යාලයට ලබාදීමත් සමග දින 28ක් තුළ ඡන්ද පත්රිකා මුද්රණය කිරීමට අවශ්ය සියලු කටයුතු සූදානම් කරන බව රජයේ මුද්රණාලයාධිපතිනි ගංගානි ලියනගේ මහත්මිය ‘මව්රට’ට පැවැසුවාය. (Sri Lanka Latest News)
එහෙත් ඡන්ද පත්රිකාවල දිග පළල අනුව දින 28ක කාලසීමාව තරමක් වෙනස් විය හැකි බවද ඇය සඳහන් කළාය.
මේ වන විට ජනාධිපතිවරණයට පමණක් නොව ඕනෑම මැතිවරණයකට රජයේ මුද්රණාලය සූදානමින් පවතින බවයි ඇය සඳහන් කළේ.
අදාළ මැතිවරණය සඳහා අවශේෂ වියදම් වශයෙන් රුපියල් මිලියන 100ක් පමණ අවශ්ය වෙතැයි ගණන් බලාගෙන යන අතර, දිවා රාත්රී පොලිස් නිලධාරීන් 75 දෙනකුගේ ආරක්ෂාව ලබාගැනීමට සැලසුම් කරගෙන යන බවද ගංගානි ලියනගේ මහත්මිය පැවැසුවා.
දැනට රජයේ මුද්රණාලයට ලැබී ඇති රජයේ මුද්රණ කටයුතු ලබන අගෝස්තු මාසය වනවිට අවසන් කිරීමට අදාළ අංශවලට උපදෙස් දී ඇති බවද ඇය සඳහන් කළාය.
ප්රේමලාල් විජේරත්න
