මේ දක්වා පවත්වා ඇති සමුපකාර ඡන්දවලදී බහුතරයකම බලය අත්පත් කරගැනීමට සමගි ජන බලවේගය ප්රමුඛ විපක්ෂයේ පක්ෂවලට හැකිවී ඇත.Sri Lanka Latest News
ඒ අනුව යම් යම් සමුපකාරවල බලය තනිවම අත්පත් කරගැනීමට සමගි ජන බලවේගය කටයුතු කර ඇති අතර, ඇතැම් සමුපකාරවල බලය විපක්ෂයේ අනකුත් පක්ෂ සමග එක්ව තහවුරු කරගැනීමට සජබය සමත්ව තිබේ.
මෙහිදී දැකගන්නට ඇති විශේෂම සිදුවීම වන්නේ ශ්රී ලංකා පොදුජන පෙරමුණ හෙවත් පොහොට්ටුවද මෙම සමුපකාර ඡන්දවලදී සැලකිය යුතු බලයක් අත්පත් කරගැනීමට සමත්ව තිබීමය.
නමුත් එක්සත් ජාතික පක්ෂය සමුපකාර ඡන්දවලදී කිසිදු බලයක් අත්පත් කර නොගැනීමද විශේෂ සිදුවීමකි.
පසුගිය ජනාධිපතිවරණයට පෙර ජාතික ජන බලවේගය දිවයින පුරා පිහිටි සමුපකාරවල බලය අත්පත් කරගැනීමට සමත් වූ අතර, එහිදී අනුර කුමාර දිසානායක මහතා ප්රසිද්ධියේම කියා සිටියේ ගම් මට්ටමින් ආරම්භ වී ඇති මෙම රැල්ලෙන් ජාතික මට්ටමේ මැතිවරණවල ප්රතිඵලය කල්තියාම කිව හැකි බවකි.
