රාජ්ය සේවයෙන් විශ්රාම යන විශ්රාමිකයන්ගේ විශ්රාම වැටුප ලබාගැනීමට අදාළන් විශ්රාම වැටුප් දෙපාර්තමේන්තුවට යොමුකරන ලිපිගොනු පිළිබඳ තීරණ ගැනීම පමා වීම නිසා විශ්රාමිකයන් මහත් අපහසුතාවට පත්වී ඇති බව විශ්රාමිකයන් පවසයි. (Sri Lanka Latest News)
ඒ සඳහා විමසුම් කිරීමට දුරකතන අංක 011 220 9870 සහ 1970 හඳුන්වා දී ඇතත් එම අංකවලින් පටිගත කර ඇසෙන ඒකාකාරී හඬකට සවන් දී සිටිනු විනා කිසිදු නිලධාරියකු සම්බන්ධ නොවීම නිසා විශ්රාමිකයන් තව තවත් අපහසුතාවට පත්ව ඇති බවයි වාර්තා වන්නේ.
ආරක්ෂක අංශවලට සම්බන්ධ ඇතැම් නිලධාරීන් රෝගී වී මියයෑමෙන් පසුව ඔවුන්ගේ භාර්යාවන්ට හිමි විශ්රාමික වැටුප ලබාගැනීමට අදාළ ප්රාදේශීය ලේකම් කාර්යාල මගින් විශ්රාම වැටුප් දෙපාර්තමේන්තුවට යොමුකළද ඒවා කඩිනම් නොවීම නිසා ඔවුන්ට පිටස්තර පුද්ගලයන්ට ණය වීමට සිදුව ඇති බවද එයට මැදිවී ඇති කිහිප දෙනකුම ‘මව්රට’ට පැවැසීය.
මේ සම්බන්ධයෙන් විශ්රාම වැටුප් අධ්යක්ෂවරයාගෙන් විමසීමට ‘මව්රට’ කිහිප වරක්ම උත්සාහ කළද එය ව්යර්ථ විය.
ප්රේමලාල් විජේරත්න
